പാറശ്ശാല കാരോട് കാര്‍മല്‍ സെന്‍റ് തെരേസാസ് ആശ്രമത്തിലെ വൈദികൻ പൊഴിയൂര്‍ പരുത്തിയൂര്‍ ചീലാന്തിവിളാകത്ത് ഫാ.യാക്കോബ് (38) ആണ് മരിച്ചത്.
ഉച്ചക്കട പഴവഞ്ചാലയിലാണ് അപകടം സംഭവിച്ചത്. ഫാ.യാക്കോബ് ബൈക്കില്‍ പോകവെ ആളെയിറക്കുവാൻ നിര്‍ത്തിയിരുന്ന ബസിനു പിന്നില്‍ ബൈക്ക് നിര്‍ത്തുകയും പിന്നാലെയെത്തിയ കാര്‍ ബൈക്കില്‍ ഇടിച്ച്‌ ഫാദര്‍ ബസിനടിയില്‍പ്പെടുകയുമായിരുന്നു
ഗുരുതരമായി പരിക്കേറ്റ ഫാ.യാക്കോബിനെ നെയ്യാറ്റിൻകര ഗവ. ജനറല്‍ ആശുപത്രിയില്‍ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. മൃതദേഹം ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. സംഭവത്തില്‍ പൊഴിയൂര്‍ പൊലീസ് കേസെടുത്തിട്ടുണ്ട്.
