മുരങ്ങമംഗലം ശ്രീമഹാദേവ ക്ഷേത്രത്തിന് മുന്‍പിലുടെ പ്രദിക്ഷണം കടന്നുപോയപ്പോള്‍ ക്ഷേത്രം ഉപദേശക സമിതി പ്രസിഡന്റ് രഞ്ജിത്ത് അമ്ബാടി, സെക്രട്ടറി രഞ്ജിത്ത് വടക്കേടത്ത്, സന്തോഷ് ബ്ലാത്തേത് എന്നിവരുടെ നേത്യത്വത്തില്‍ കുരിശിന് പുഷ്പഹാരം അണിയിക്കുകയും പ്രദിക്ഷണത്തിൽ പങ്കെടുത്തവര്‍ക്ക് ലഘുഭക്ഷണവും നല്‍കുകയും ചെയ്തു.
പ്രദിക്ഷണം കോന്നി ടൗണ്‍ ജുമാ മസ്ജിദിന്റെ കവാടത്തിന് മുന്‍പില്‍ എത്തിയപ്പോള്‍ ചീഫ് ഇമാം ശിഹാബുദ്ദീന്‍ മന്നാനിയുടെ നേത്യത്തിലാണ് സ്വീകരണം നല്‍കിയത്. പ്രദിക്ഷണത്തില്‍ പങ്കെടുത്ത വൈദികരെ പൊന്നടയണിച്ചാണ് സ്വീകരിച്ചത്. ജമാ അത്ത് പ്രസിഡന്റെ സലീം ആര്‍ പുലരി, സെക്രട്ടറി കാസിം കോന്നി എന്നിവരുള്‍പ്പടെ നിരവധി ആളുകളാണ് പ്രദിക്ഷണത്തിനായി കാത്തുനിന്നത്. ഇവിടെയും എല്ലാവര്‍ക്കുമായി ലഘുഭക്ഷണം ഒരുക്കി. കോന്നി പഞ്ചായത്ത് ഓഫിസിന് മുന്‍പില്‍ പ്രസിഡന്റ് സുലേഖ വി. നായരുടെ നേത്യത്വത്തില്‍ പഞ്ചായത്ത് അംഗങ്ങള്‍ പ്രദിക്ഷണത്തെ സ്വീകരിച്ചു.
