റിയാദ്: സൗദി അറേബ്യയില്‍ ഇന്നലെ രാത്രിയുണ്ടായ ശക്തമായ കാറ്റിലും മഴയിലും കെട്ടിടം തകർന്നുവീണു. സൗദിയിലെ അല്‍ഖസീം പ്രവിശ്യയുടെ വിവിധ ഭാഗങ്ങളിലാണ് കാറ്റും മഴയും വലിയ നാശനഷ്ടം വിതച്ചത്.
ശക്തമായ കാറ്റില്‍ ബുറൈദ നഗരത്തില്‍ കെട്ടിടത്തിന്റെ മുകള്‍നില ഇടിഞ്ഞുവീണ് താഴെ പാര്‍ക്ക് ചെയ്തിരുന്ന നിരവധി കാറുകള്‍ നിശ്ശേഷം തകര്‍ന്നു.ആളൊഴിഞ്ഞ നേരമായതുകൊണ്ട് ആര്‍ക്കും പരിക്കില്ല.
മൂടിക്കെട്ടിയ അന്തരീക്ഷത്തില്‍ മേഖലയിലാകെ മഴ തുടരുകയാണ്. റിയാദിൽ മഴക്കും കാറ്റിനും സാധ്യതയുണ്ടെന്ന് കാലാവസ്ഥ മുന്നറിയിപ്പുണ്ടായിരുന്നു.
