തിരുവനന്തപുരം: സംസ്ഥാനത്ത് ഐപിഎസ് തലത്തിൽ വൻ അഴിച്ചുപ്പണി. തിരുവനന്തപുരം, കൊച്ചി, കോഴിക്കോട് കമ്മിഷണർമാർക്കാണ് സ്ഥാനമാറ്റം ഉണ്ടായിരിക്കുന്നത്. കൊച്ചി സിറ്റി പോലീസ് കമ്മിഷണർ സി.എച്ച്. നാഗരാജു തിരുവനന്തപുരം കമ്മിഷണറാകും. കെ സേതുരാമൻ കൊച്ചിയിലും രാജ്പാൽ മീണ കോഴിക്കോടും കമ്മിഷണറാകും.
മേഖല ഐ.ജിമാർക്കും റേഞ്ച് ഡി.ഐ.ജിമാരിൽ ചിലർക്കും മാറ്റം ഉണ്ട്. നിലവിൽ തിരുവനന്തപുരം സിറ്റി പോലീസ് കമ്മിഷണർ ജി. സ്പർജൻ കുമാറിനെ ദക്ഷിണമേഖല ഐ.ജിയായി നിയമിച്ചു. നീരജ് കുമാർ ഗുപ്ത ഉത്തരമേഖലയിൽ ഐ.ജിയാകും. എ ശ്രീനിവാസ് എറണാകുളം ഡി.ഐ.ജിയാകും. ദക്ഷിണ മേഖല ഐ.ജി. പി. പ്രകാശനെ ഇന്റലിജൻസിലും ഹർജിദ അട്ടല്ലൂരി വിജിലൻസിലും ഐ.ജിയാകും.
എ.ഡി.ജി.പിയായി സ്ഥാനക്കയറ്റം ലഭിച്ച എച്ച് വെങ്കിടേഷ് ബറ്റാലിയനിലും തുമ്മല വിക്രം സൈബർ ഓപ്പറേഷനിലും ഗോപേഷ് അഗർവാൾ പോലീസ് അക്കാദമിയിലും ചുമതലയേൽക്കും. അതേസമയം, ഐജി അനൂപ് ജോൺ കുരുവിളയെ റോയിലേക്ക് നിയമിച്ചു. രഹസ്വാന്വേഷണ വിഭാഗമായ റോയിൽ ഡയറക്ടറായാണ് നിയമനം. നിലവിൽ പൊലീസ് ആസ്ഥാന ഐജിയാണ് അനൂപ് ജോൺ കുരുവിള. റോ മേധാവിയായി ഹോർമിസ് തരകൻ പോയതിന് ശേഷം റോയിൽ ഒരു മലയാളി ഓഫീസർക്ക് ലഭിക്കുന്ന സുപ്രധാന തസ്തികയാണ്.
