ചാത്തമംഗലം: യുവാവിനെ വയലില്‍ മരിച്ച നിലയില്‍ കണ്ടെത്തി. ചാത്തമംഗലം മാട്ടാത്ത് തൊടികയില്‍ വീനസ് കുമാറിനെ (40) ആണ് നെച്ചൂളിയിലെ വയലില്‍ മരിച്ച നിലയില്‍ കണ്ടെത്തിയത്.
രാത്രി ഭാര്യയെ ബന്ധു വീട്ടിലാക്കി ബൈക്കിൽ സ്വന്തം വീട്ടിലേക്ക് മടങ്ങിയതാണ് വീനസ്. ഞായറാഴ്ച രാവിലെ നടക്കാനിറങ്ങിയവരാണ് മൃതദേഹം കണ്ടത്.
കുന്നമംഗലം പൊലീസ് സ്ഥലത്തെത്തി മൃതദേഹം മെഡിക്കല്‍ കോളജ് ആശുപത്രിയിലേക്ക് മാറ്റി. ഭാര്യ: പ്രബിത. മക്കള്‍: ഭഗത് ശങ്കര്‍, ഭരത് ശങ്കര്‍.
