തിരുവനന്തപുരം: ബലാത്സംഗക്കേസില്‍ ജയിലിലായ ടിക്ടോക് താരം വിനീത് ജാമ്യം കിട്ടിയതോടെ പുതിയ വീഡിയോയുമായി രംഗത്ത്. ‘ട്രോള്‍ ചെയ്ത് ഇത്രയും വളര്‍ത്തിയ എന്റെ ട്രോളന്മാര്‍ക്ക്, അകത്തോട്ട് തള്ളിവിട്ട ചേട്ടന്‍ ഇവിടെ ഉണ്ടല്ലോ അല്ലേ’ എന്ന കുറിപ്പിനൊപ്പമാണ് വീഡിയോ പങ്കുവച്ചിരിക്കുന്നത്. ആഡംബരകാറില്‍ സിഗരറ്റും വലിച്ച് വന്നിറങ്ങുന്ന വീഡിയോ ആയിരത്തിലറെ പേരാണ് ലൈക്ക് ചെയ്തത്.
ടിക്ടോക് ചെയ്യുന്നതിന്റെ ടിപ്‌സുകള്‍ പഠിപ്പിക്കാമെന്നു പറഞ്ഞ് സമൂഹമാധ്യമത്തിലൂടെ ബന്ധം സ്ഥാപിച്ചശേഷം, ലോഡ്ജില്‍ വിളിച്ചുവരുത്തി പെണ്‍കുട്ടിയെ പീഡിപ്പിച്ച കേസിലാണ് ഇയാള്‍ അറസ്റ്റിലായത്. ചിറയിന്‍കീഴ് വെള്ളല്ലൂര്‍ കീഴ്‌പേരൂര്‍ സ്വദേശിയായ വിനീതിനെതിരെ കൊല്ലം സ്വദേശിനിയുടെ പരാതിയില്‍ തമ്പാനൂര്‍ പോലീസാണ് അറസ്റ്റ് ചെയ്തത്.
