പുനലൂര്‍: കൊല്ലം – തിരുമംഗലം ദേശീയപാതയില്‍ കലയനാടിന് സമീപം കൊടും വളവില്‍ സിമന്റ് മിശ്രിതം കയറ്റിയെത്തിയ ടാങ്കര്‍ ലോറി മറിഞ്ഞ് ലോറിക്കടിയില്‍ കുടുങ്ങിയ ഡ്രൈവര്‍ക്ക് ദാരുണാന്ത്യം.
തിരുനെല്‍വേലി മഹാരാജ നഗര്‍ സ്വദേശി ഗണേശനാണ് (39) മരിച്ചത്. ഇന്നലെ പുലര്‍ച്ചെ 5 ഓടെയായിരുന്നു അപകടം. തമിഴ്നാട്ടില്‍ നിന്ന് എത്തിയ ലോറി കൊടുംവളവിലെത്തിയപ്പോള്‍ നിയന്ത്രണം വിട്ട് കുഴിയിലേക്ക് മറിയുകയായിരുന്നു. ഗണേശന്‍ അര മണിക്കൂറോളം ലോറിക്കടിയില്‍ കുടങ്ങിക്കിടന്നു.
പുനലൂര്‍ പൊലീസും ഫയര്‍ഫോഴ്സും നാട്ടുകാരും ചേര്‍ന്ന് ജെ.സി.ബി ഉപയോഗിച്ച്‌ ലോറി ഉയര്‍ത്തി ഗണേശനെ പുറത്തെടുത്തെങ്കിലും ജീവന്‍ രക്ഷിക്കാനായില്ല.
