കാസര്‍ഗോഡ്: ചെര്‍ക്കളയില്‍ സ്വകാര്യ ബസ് ജീവനക്കാര്‍ക്ക് മര്‍ദനം. കാസര്‍ഗോഡ്- ബന്തടുക്ക റൂട്ടില്‍ സര്‍വീസ് നടത്തുന്ന അക്ഷയ ബസിലെ കണ്ടക്ടര്‍ ശ്രീരാജ്, പ്രദീഷ് എന്നിവരെയാണ് അഞ്ചംഗ സംഘം ബസ് തടഞ്ഞുനിര്‍ത്തി മര്‍ദിച്ചത്. ഇരുവരെയും കാസര്‍ഗോഡ് സ്വകാര്യ ആശുപത്രിയില്‍ പ്രവേശിപ്പിച്ചു.
തിങ്കളാഴ്ച വൈകിട്ട് 5നു ബന്തടുക്കയിലേക്ക് പോകുമ്പോള്‍ നാലാം മൈലില്‍ ഹോണ്‍ അടിച്ചതിനെ തുടര്‍ന്ന് ഇരുചക്ര വാഹനത്തിലെ രണ്ടു പേരുമായി തര്‍ക്കം ഉണ്ടായിരുന്നു. ഇതിന്റ തുടര്‍ച്ചയാണ് ചെര്‍ക്കളയില്‍ വച്ച് പിന്തുടര്‍ന്ന് ആക്രമിച്ചതെന്നു ആക്രമണമെന്ന് മര്‍ദ്ദനമേറ്റവര്‍ പറഞ്ഞു. സംഭവത്തില്‍ കണ്ടാല്‍ അറിയുന്ന 5 പേര്‍ക്ക് എതിരെ വിദ്യാനഗര്‍ പോലീസ് കേസെടുത്തു.
