കോട്ടയം: ജില്ലയില്‍ വന്‍ കഞ്ചാവ് വേട്ട. കാറില്‍ കടത്തുകയായിരുന്ന 100 കിലോ കഞ്ചാവ് പിടികൂടി. രണ്ടുപേരെ അറസ്റ്റ് ചെയ്തു. കാണക്കാരി ശാസ്തമംഗലം മാങ്കുഴയ്ക്കല്‍ സ്വദേശി രഞ്ജിത് രാജീവ് (26), ആര്‍പ്പൂക്കര നെല്ലൂന്നിക്കരയില്‍ ചിറയ്ക്കംതാഴ സ്വദേശി കെന്‍സ് സാബു (28) എന്നിവരാണ് അറസ്റ്റിലായത്.
നര്‍കോട്ടിക് സ്‌ക്വാഡിനു ലഭിച്ച രഹസ്യവിവരത്തെ തുടര്‍ന്ന് തലയോലപ്പറമ്പ് ഭാഗത്തുനടത്തിയ പരിശോധനയിലാണ് പ്രതികള്‍ പിടിയിലായത്. രാവിലെ ആറു മണിയോടെയായിരുന്നു സംഭവം.
