മംഗളൂരു: ഭര്‍ത്താവിന്റെ മര്‍ദനത്തില്‍ പരിക്കേറ്റ് ആശുപത്രിയില്‍ പ്രവേശിപ്പിച്ച മലയാളി യുവതി മരിച്ചു. എറണാകുളം സ്വദേശിനിയും മംഗളൂരു കുംപള ചേതന്‍നഗറിലെ താമസക്കാരിയുമായ ഷൈമ (44) ആണ് മരിച്ചത്.
സംഭവവുമായി ബന്ധപ്പെട്ട് ഭര്‍ത്താവ് ജോസഫ് ഫ്രാന്‍സിസ് റെന്‍സനെ (54) പോലീസ് അറസ്റ്റ് ചെയ്തു.വിഷം കഴിച്ച്‌ ആത്മഹത്യക്ക് ശ്രമിച്ചെന്നാണ് ജോസഫ് പോലീസിനോട് പറഞ്ഞത്.ചോദ്യം ചെയ്യലിലാണ് കൊലപാതകവിവരം പുറത്തറിയുന്നത്.
മേയ് 11-നായിരുന്നു സംഭവം.മദ്യപിച്ചെത്തിയ ജോസഫ് ഷൈമയെ മർദ്ദിക്കുകയായിരുന്നു.തുടർന്ന് ഗുരുതരപരിക്കേറ്റ് അബോധാവസ്ഥയിലായ ഷൈമയെ ആശുപത്രിയില്‍ പ്രവേശിപ്പിച്ചു. വിഷം കുടിച്ചുവെന്നാണ് ജോസഫ് ആശുപത്രിയിലും പറഞ്ഞത്.രാത്രിയോടെ ഷൈമ മരിക്കുകയായിരുന്നു.
