മലപ്പുറം, തൃശൂർ ജില്ലകളിലെ മഖ്ബറകൾ സന്ദർശിക്കാനാണ് അവസരം.ഈ മാസം 23-നാണ് മലപ്പുറം ഡിപ്പോയിൽനിന്ന് ആദ്യ സിയാറ യാത്ര പുറപ്പെടുക. രാവിലെ ആറ് മണിക്ക് ആരംഭിക്കുന്ന യാത്രയിൽ മലപ്പുറം ജില്ലയിലെ വലിയങ്ങാടി, പാണക്കാട്,മമ്പുറം, പുതിയങ്ങാടി, പൊന്നാനി, പുത്തൻപള്ളി, വെളിയംകോട് തുടങ്ങിയ മഖ്ബറകൾ സന്ദർശിക്കാനാണ് അവസരം.വൈകിട്ട് ആറ് മണിക്ക് മലപ്പുറത്ത് തിരിച്ചെത്തുന്ന രീതിയിലാണ് ക്രമീകരണം.
കെ.എസ്.ആർ.ടി.സി കഴിഞ്ഞ വർഷം ആരംഭിച്ച വിനോദ സഞ്ചാര യാത്രയുടെയും, അടുത്തിടെ നടത്തിയ നാലമ്പല തീർഥാടന യാത്രയുടെയും സ്വീകാര്യത പരിഗണിച്ചാണ് റമദാനിൽ സിയാറത്ത് യാത്രയും സംഘടിപ്പിക്കുന്നത്. ഒരാൾക്ക് 550 രൂപയാണ് നിരക്ക്.
