കോട്ടയം: പ്രായപൂർത്തിയാകാത്ത പെൺകുട്ടിയുടെ നേരെ ലൈംഗികാതിക്രമം നടത്തിയ കേസിൽ 46 കാരനെ പോലീസ് അറസ്റ്റ് ചെയ്തു. തോട്ടയ്ക്കാട് കൊണ്ടോടിക്കൽ വീട്ടിൽ ബിനു (46)വിനെയാണ് കുമരകം പോലീസ് അറസ്റ്റ് ചെയ്തത്.
ട്രാവലർ ഡ്രൈവറായ ഇയാളുടെ വണ്ടിയിൽ യാത്ര ചെയ്ത പ്രായപൂർത്തിയാകാത്ത പെൺകുട്ടിക്കു നേരെ ഇയാൾ ലൈംഗികാതിക്രമത്തിന് മുതിരുകയായിരുന്നു.വിവരം പെൺകുട്ടി വീട്ടിൽ അറിയിച്ചതോടെ വീട്ടുകാർ പരാതിയുമായി പോലീസിനെ സമീപിക്കുകയായിരുന്നു.
കുമരകം സ്റ്റേഷൻ എസ്.എച്ച്. ഓ ബിൻസ് ജോസഫ്, എസ്.ഐ സുരേഷ് എസ്, എ.എസ്.ഐ സുനിൽകുമാർ കെ.കെ, സി.പി.ഓ അമ്പാടി എന്നിവർ ചേർന്നാണ് ഇയാളെ അറസ്റ്റ് ചെയ്തത്.ഇയാളെ കോടതിയിൽ ഹാജരാക്കി റിമാൻഡ് ചെയ്തു.
