Sports
-
അവസാന മിനുട്ടുകളിൽ 3 ഗോള്; ഗോവയെ 3-2 ന് തകർത്ത് മുംബൈ
മഡ്ഗാവ്: ഐഎസ്എല് ഫുട്ബോള് ആദ്യപാദ സെമിയില് എഫ്സി ഗോവയെ 3-2 ന് തകർത്ത് മുംബൈ സിറ്റി.2-0 ന് പിന്നിൽ നിന്ന മുംബൈ ഇഞ്ചുറി ടൈമില് മൂന്നു ഗേള് നേടിയായിരുന്നു ഗോവയിൽ നിന്നും ജയം തട്ടിയെടുത്തത്. മുംബൈ നേടിയ മൂന്ന് ഗോളും 90-ാം മിനിറ്റുകളിലായിരുന്നു. ലാലിൻസ്വാല ഛാങ്തെ (90′, 90+6′) ഇരട്ട ഗോള് നേടിയപ്പോള് വിക്രം പ്രതാപ് സിംഗിന്റെ (90+1′) വകയായിരുന്നു ഒരു ഗോള്. ബോറിസ് സിംഗ് (16′), ബ്രണ്ടൻ ഫെർണാണ്ടസ് (56′) എന്നിവർ നേടിയ ഗോളിൽ നേരത്തെ ഗോവ 2-0ന്റെ ലീഡ് നേടിയിരുന്നു.
Read More » -
ഒരുപിടി നേട്ടങ്ങൾക്കരികെ സഞ്ജു സാംസൺ
സഞ്ജു സാംസൺ രാജസ്ഥാൻ റോയൽസിനെ അൻപതിലധികം മൽസരങ്ങളിൽ നയിച്ചതിനെക്കുറിച്ച് നിങ്ങൾക്ക് അറിയാമോ? ഒരു മൂന്ന് മൽസരം കൂടി രാജസ്ഥാനെ നയിച്ചാൽ ആ ഫ്രാഞ്ചൈസിയെ ഏറ്റവും കൂടുതൽ മൽസരങ്ങളിൽ നയിച്ച ക്യാപ്റ്റനായി സഞ്ജു മാറുമെന്ന് അറിയാമോ? ക്യാപ്റ്റൻസി വിടാം. ഐ.പി.എൽ കരിയറിൽ 4000 റൺ എന്ന മൈൽ സ്റ്റോൺ സഞ്ജു സാംസൺ മറികടന്ന വിവരം അറിഞ്ഞിരുന്നോ? ഒരു 16 റൺ കൂടി നേടിയാൽ ഐ.പി.എൽ ഓൾ ടൈം ടോപ് സ്കോറർ ലിസ്റ്റിൽ ടോപ് 15ൽ കയറുമെന്ന് അറിയാമോ? സഞ്ജു സാംസണിൻ്റെ ക്യാപ്റ്റൻസിയെക്കുറിച്ച് അധികമാരും സംസാരിച്ച് കണ്ടിട്ടില്ല. എട്ട് മാച്ചിൽ നിന്ന് ഏഴ് ജയങ്ങളാണ് രാജസ്ഥാന്. ആ തോറ്റ കളി പോലും ജസ്റ്റ് മിസ്സാണ് താനും. മറ്റ് ഏതെങ്കിലും ഒരു ക്യാപ്റ്റനാണെങ്കിൽ പുകഴ്ത്തലൊഴിഞ്ഞ് നേരം കാണില്ല. മാച്ച് ഏത് സ്റ്റേജിലാണ് ഉള്ളതെന്ന് സഞ്ജുവിൻ്റെ ബോഡി ലാംഗ്വേജോ എക്സ്പ്രഷനോ കണ്ട് നിങ്ങൾക്ക് മനസിലാക്കാൻ കഴിയില്ല. ആ കൂൾനെസിൽ സാമ്യം തോന്നിയത് ധോണിയുമായി മാത്രമാണ്. ധോണിയോട് താരതമ്യം…
Read More » -
ആദ്യ പാദ സെമിഫൈനലില് 2-1ന് ജയിച്ച് ഒഡിഷ എഫ്.സി
ഭുവനേശ്വർ: മോഹൻ ബഗാനെതിരായ ഐ.എസ്.എല് ആദ്യ പാദ സെമിഫൈനലില് 2-1ന് ജയിച്ച് ഒഡിഷ എഫ്.സി. ഒഡിഷയുടെ തട്ടകമായ കലിംഗ സ്റ്റേഡിയത്തില് നടന്ന മത്സരത്തിന്റെ മൂന്നാം മിനിട്ടില് തന്നെ മൻവീർ സിംഗിലൂടെ മോഹൻ ബഗാൻ മുന്നിലെത്തിയിരുന്നു. പെട്രാറ്റോസിന്റെ പാസില് നിന്നാണ് മൻവീറിന്റെ ഗോള് പിറന്നത്. എന്നാല് 11-ാം മിനിട്ടില് ഡെല്ഗാഡോയിലൂടെ ഒഡിഷ തിരിച്ചടിച്ചു. 39-ാംമിനിട്ടിൽ മുൻ ബഗാൻ താരമായ റോയ് കൃഷ്ണ ഒഡിഷയെ മുന്നിലെത്തിച്ചു. ഈ മാസം 28നാണ് ഒഡിഷയും ബഗാനും തമ്മിലുള്ള രണ്ടാം പാദ സെമിഫൈനല്. ഇന്ന് നടക്കുന്ന മറ്റൊരു ആദ്യ പാദ സെമിഫൈനലില് എഫ്.സി ഗോവ മുംബയ് സിറ്റിയെ നേരിടും.ഗോവയുടെ ഹോംമാച്ചാണിത്.
Read More » -
‘ട്രാവൻകൂർ ടൈഗേഴ്സ്’ – കേരളത്തിനും വേണ്ടേ ഒരു ഐപിഎൽ ക്രിക്കറ്റ് ടീം ?
തിരുവനന്തപുരം: കേരളത്തിനും വേണ്ടേ ഒരു ഐപിഎൽ ക്രിക്കറ്റ് ടീം.പണ്ടൊന്നുണ്ടായിരുന്നു- കൊച്ചി ടസ്കേഴ്സ് കേരള.കേരളത്തിലെ ക്രിക്കറ്റ് പ്രേമികൾക്ക് ആറ്റു നോറ്റിരുന്ന് കിട്ടിയ ഐപിഎൽ ടീമായിരുന്നു കൊച്ചി ആസ്ഥാനമായുള്ള കൊച്ചി ടസ്കേഴ്സ് കേരള. 2011 ലായിരുന്നു ടൂർണമെന്റിലേക്കുള്ള അവരുടെ രംഗപ്രവേശം.എന്നാൽ ആകെ ആ ഒരു സീസൺ മാത്രമേ ടീമിന് ഐപിഎല്ലിൽ കളിക്കാനായുള്ളൂ.ബാങ്ക് ഗ്യാരന്റിയുമായി ബന്ധപ്പെട്ട് ബിസിസിഐയുമായുണ്ടായ പ്രശ്നങ്ങൾ മൂലം ആദ്യ സീസണോടെ കൊച്ചി ടസ്കേഴ്സ് ഐപിഎല്ലിൽ നിന്ന് പുറത്താക്കപ്പെടുകയായിരുന്നു. കൊച്ചി ജവഹർലാൽ നെഹ്രു സ്റ്റേഡിയമായിരുന്നു അവരുടെ ഹോം ഗ്രൗണ്ട്.ഇന്നത് ഫുട്ബോളിന് കൈമാറിയിരിക്കുകയാണ്.നിലവിൽ ഐഎസ്എൽ ക്ലബായ കേരള ബ്ലാസ്റ്റേഴ്സിന്റെ ഹോം ഗ്രൗണ്ടാണിത്.തിരുവനന്തപുരത്തെ ഗ്രീൻഫീൽഡ് സ്റ്റേഡിയം മാത്രമാണ് അന്താരാഷ്ട്ര മത്സരങ്ങൾ നടത്താനുള്ള കേരളത്തിലെ ഇന്നത്തെ ഏക ക്രിക്കറ്റ് സ്റ്റേഡിയം.അതിനാൽ തന്നെ തിരുവനന്തപുരം ബേസാക്കിയാണ് പുതിയൊരു ക്രിക്കറ്റ് ടീം ഉയർന്നുവരേണ്ടത്.ഒരു ‘ട്രാവൻകൂർ ടൈഗേഴ്സ് ‘.ഐപിഎല്ലിൽ രാജസ്ഥാൻ റോയൽസിന്റെ ക്യാപ്റ്റൻ കൂടിയായ സഞ്ജു സാംസണിന്റെ സ്വന്തം നഗരം കൂടിയാണ് തിരുവനന്തപുരം. ഒരു ടീം ഇല്ലാതിരുന്നിട്ടുകൂടി നിരവധി താരങ്ങളെ ഐ പി…
Read More » -
ഐഎസ്എൽ ഒന്നാംപാദ സെമി ഫൈനല് മത്സരങ്ങള് ഇന്നു തുടങ്ങും
ഭൂവനേശ്വര്: ഇന്ത്യന് സൂപ്പര് ലീഗ് ഫുട്ബോള് പത്താം സീസണിലെ ഒന്നാംപാദ സെമി ഫൈനല് മത്സരങ്ങള് ഇന്നു തുടങ്ങും. കലിംഗ സ്റ്റേഡിയത്തില് നടക്കുന്ന മത്സരത്തില് ഒഡീഷ എഫ്.സി. മോഹന് ബഗാന് സൂപ്പര് ജയന്റ്സിനെ നേരിടും. നോക്കൗട്ടില് കേരളാ ബ്ലാസ്റ്റേഴ്സിനെ 2-1 നു തോല്പ്പിച്ചാണ് ഒഡീഷ സെമിയില് കടന്നത്. ലീഗ് ഷീല്ഡ് ജേതാക്കളെന്ന നിലയില് ബഗാന് സെമിയിലേക്കു നേരിട്ടു യോഗ്യത നേടുകയായിരുന്നു. 39 പോയിന്റുമായി ഒഡീഷ നാലാം സ്ഥാനത്താണു ഫിനിഷ് ചെയ്തത്. അവസാന അഞ്ച് മത്സരങ്ങളില് നാലും ജയിച്ചാണു ബഗാന് സീസണ് അവസാനിപ്പിച്ചത്. ബഗാനെതിരേ നടന്ന ഒന്പത് ഐ.എസ്.എല്. മത്സരങ്ങളിലും ഒഡീഷയ്ക്കു ജയിക്കാനായില്ല. അഞ്ച് സമനിലകളും നാലു തോല്വിയുമാണ് ആകെ നേട്ടം. പത്താം സീസണിലെ രണ്ട് മത്സരങ്ങളും സമനിലയായി.22 മത്സരങ്ങളിലായി 47 ഗോളുകളാണു ബഗാന് അടിച്ചിട്ടത്.
Read More » -
പ്ലേ ഓഫ് ഉറപ്പിച്ച് രാജസ്ഥാന്; മുംബൈയുടെ നില പരുങ്ങലില്
മുംബൈ: ഐപിഎല് പ്ലേ ഓഫിലേക്ക് കൂടുതല് അടുത്ത് സഞ്ജു സാംസണ് നയിക്കുന്ന രാജസ്ഥാന് റോയല്സ്. എട്ട് മത്സരങ്ങള് പൂര്ത്തിയാകുമ്ബോള് ഏഴ് ജയവും ഒരു തോല്വിയുമുള്ള രാജസ്ഥാന് 14 പോയിന്റുണ്ട്. +0.698 നെറ്റ് റണ്റേറ്റോടെ പോയിന്റ് പട്ടികയില് ഒന്നാം സ്ഥാനത്താണ് രാജസ്ഥാന് ഇപ്പോള്. ഈ സീസണില് ആറ് മത്സരങ്ങള് കൂടി രാജസ്ഥാന് ശേഷിക്കുന്നുണ്ട്. ഗുജറാത്ത് ടൈറ്റന്സിനെതിരെ മാത്രമാണ് രാജസ്ഥാന് ഈ സീസണില് തോല്വി വഴങ്ങിയിരിക്കുന്നത്. ലഖ്നൗ, ഹൈദരബാദ്, ഡല്ഹി, ചെന്നൈ, പഞ്ചാബ്, കൊല്ക്കത്ത എന്നിവര്ക്കെതിരെയാണ് രാജസ്ഥാന്റെ ശേഷിക്കുന്ന മത്സരങ്ങള്. അതേസമയം ഇന്നലെ രാജസ്ഥാനോട് ഒന്പത് വിക്കറ്റിനു തോറ്റ മുംബൈ ഇന്ത്യന്സിന്റെ നില പരുങ്ങലിലാണ്. എട്ട് കളികള് പൂര്ത്തിയാകുമ്ബോള് മൂന്ന് ജയവും അഞ്ച് തോല്വിയും സഹിതം ആറ് പോയിന്റുമായി ഏഴാം സ്ഥാനത്താണ് മുംബൈ. ആറ് മത്സരങ്ങള് കൂടി മുംബൈക്ക് ശേഷിക്കുന്നുണ്ട്.
Read More » -
മുംബൈ ഇന്ത്യന്സിനെ തകര്ത്ത് തരിപ്പണമാക്കി സഞ്ജുവും സംഘവും !
ജയ്പൂർ: ഇന്ത്യന് പ്രീമിയര് ലീഗില് ഉജ്ജ്വല പ്രകടനം തുടര്ന്ന് രാജസ്ഥാന് റോയല്സ്. ഇന്നലെ നടന്ന മത്സരത്തില് മുംബൈ ഇന്ത്യന്സിനെ ഒമ്ബത് വിക്കറ്റിനാണ് സഞ്ജു സാംസണും സംഘവും തകര്ത്തത്. സ്കോര്: മുംബൈ ഇന്ത്യന്സ്-20 ഓവറില് ഒമ്ബത് വിക്കറ്റിന് 179. രാജസ്ഥാന് റോയല്സ്-18.4 ഓവറില് ഒരു വിക്കറ്റിന് 183. ആദ്യം ബാറ്റു ചെയ്ത മുംബൈ ഇന്ത്യന്സ് തുടക്കത്തില് വന് തകര്ച്ചയെയാണ് അഭിമുഖീകരിച്ചത്. ഓപ്പണര്മാരായ രോഹിത് ശര്മയും (6), ഇഷന് കിഷനും (0) പെട്ടെന്ന് മടങ്ങി. തുടര്ന്ന് ക്രീസിലെത്തിയ സൂര്യകുമാര് യാദവും (10) നിരാശപ്പെടുത്തി. 45 പന്തില് 65 റണ്സ് നേടിയ തിലക് വര്മയുടെയും, 24 പന്തില് 49 റണ്സ് നേടിയ നെഹാല് വധേരയുടെയും പ്രകടനമാണ് മുംബൈയെ മത്സരത്തിലേക്ക് തിരികെയെത്തിച്ചത്. പരിക്ക് ഭേദമായി ടീമിലേക്ക് തിരികെയെത്തിയ സന്ദീപ് ശര്മ രാജസ്ഥാനു വേണ്ടി തിളങ്ങി. താരം അഞ്ച് വിക്കറ്റ് വീഴ്ത്തി. പുറത്താകാതെ 60 പന്തില് 104 റണ്സ് നേടിയ യഷ്വസി ജയ്സ്വാള്, പുറത്താകാതെ 28…
Read More » -
ഐപിഎല്ലിലെ ഏഴാം തോല്വി; ഒരു റണ്ണിന് വീണ് റോയല് ചലഞ്ചേഴ്സ് ബെംഗളൂരു
കൊൽക്കത്ത: ഒരു റണ്സ് അകലെ ഐപിഎല്ലിലെ ഏഴാം തോല്വി ഏറ്റുവാങ്ങി റോയല് ചലഞ്ചേഴ്സ് ബെംഗളൂരു. കൊല്ക്കത്തയുടെ 222 റണ്സ് പിന്തുടര്ന്ന ആര്സിബി 221ന് ഓള്ഔട്ട് ആകുകയായിരുന്നു. ഇതോടെ 7 മത്സരങ്ങളില് 5 ജയവുമായി കൊല്ക്കത്ത രണ്ടാം സ്ഥാനത്തെത്തി. ബെംഗളൂരു ആവട്ടെ എട്ട് മത്സരങ്ങളില് 1 ജയവും 7 തോല്വിയുമായി 2 പോയിന്റുമായി അവസാന സ്ഥാനക്കാരാണ്. തോല്വിയോടെ ബെംഗളൂരുവിന്റെ പ്ലേ ഓഫ് സാധ്യതകള് ഏറെക്കുറെ മങ്ങിയ നിലയിലാണ്. അവസാന ഓവറിൽ 21 റണ്സായിരുന്നു ബെംഗളൂരുവിന് ജയിക്കാന് വേണ്ടിയിരുന്നത്. മൂന്നു സിക്സുകള് പറത്തി കരണ് ശര്മ പ്രതീക്ഷ നൽകിയെങ്കിലും അഞ്ചാം പന്തില് താരം പുറത്തായതോടെ പ്രതീക്ഷയറ്റു. ഏഴു പന്തില് മൂന്നു സിക്സുകളടക്കം 20 റണ്സാണ് താരം നേടിയത്.അവസാന പന്തില് വിജയത്തിനായി മൂന്ന് റണ്സ് വേണമെന്നിരിക്കെ രണ്ടാം റണ്സിനായി ഓടിയ ലോക്കി ഫെര്ഗ്യൂസന് റണ്ണൗട്ടായതോടെയാണ് കൊല്ക്കത്ത വിജയം ഉറപ്പിച്ചത്.
Read More » -
ഇന്ത്യൻ സൂപ്പർ ലീഗില് 10-ാം സീസണിലും കിരീടമില്ലാതെ കേരള ബ്ലാസ്റ്റേഴ്സ്
കൊച്ചി: ഇന്ത്യൻ സൂപ്പർ ലീഗില് 10-ാം സീസണിലും കിരീടം ഇല്ലാതെ കേരള ബ്ലാസ്റ്റേഴ്സ് തങ്ങളുടെ പോരാട്ടം അവസാനിപ്പിച്ചു. 2023-24 സീസണിന്റെ പ്ലേ ഓഫ് എലിമിനേറ്ററില് പുറത്തായതോടെയാണിത്. 2014ല് ക്ലബ് രൂപീകരിച്ചതിനുശേഷം മൂന്ന് സീസണില് (2014, 2016, 2021-22) ഫൈനലില് പ്രവേശിച്ചതു മാത്രമാണ് ബ്ലാസ്റ്റേഴ്സിന്റെ നേട്ടം. 2023-24 സീസണില് ഒരു ഘട്ടത്തില് ലീഗ് പോയിന്റ് ടേബിളില് കേരള ബ്ലാസ്റ്റേഴ്സ് ഒന്നാം സ്ഥാനത്തുണ്ടായിരുന്നു. 2023 കലണ്ടർ വർഷം അവസാനിക്കുന്പോള് ലീഗിന്റെ തലപ്പത്തായിരുന്നു കേരള ബ്ലാസ്റ്റേഴ്സ്. പിന്നീട് തലകുത്തി വീണ ടീം, ലീഗ് ടേബിളില് അഞ്ചാമതായി. പ്ലേ ഓഫ് എലിമിനേറ്ററില് പരാജയപ്പെട്ട് പുറത്താകുകയും ചെയ്തു. ബ്ലാസ്റ്റേഴ്സിന്റെ ഈ പതനത്തിനു കാരണം പരിക്കാണ്. പ്രീസീസണ് പരിശീലനം മുതല് കേരള ബ്ലാസ്റ്റേഴ്സിനെ പരിക്ക് വിടാതെ പിന്തുടരുകയായിരുന്നു. ഏറ്റവും ഒടുവില് പ്ലേ ഓഫ് എലിമിനേറ്റർ പോരാട്ടത്തിനിടെ ഗോളി ലാറ ശർമയ്ക്കും പരിക്കേറ്റു. ഓസ്ട്രേലിയൻ താരം ജോഷ്വ സൊറ്റിരിയൊയാണ് പ്രീസീസണ് പരിശീലനത്തില് പരിക്കേറ്റ് പുറത്തായത്. പിന്നീട് ഖ്വാമെ പെപ്ര, ദിമിത്രിയോസ് ഡയമാന്റകോസ്,…
Read More » -
ചെന്നൈയിന് എഫ്.സിയെ 2-1 നു തോല്പ്പിച്ച് ഗോവ സെമിഫൈനലിൽ
ഫറ്റോര്ദ: ചെന്നൈയിന് എഫ്.സിയെ 2-1 നു തോല്പ്പിച്ച് എഫ്സി ഗോവ ഇന്ത്യന് സൂപ്പര് ലീഗ് ഫുട്ബോള് പത്താം സീസണിലെ സെമി ഫൈനലില് കടന്നു. സ്വന്തം തട്ടകമായ ഫറ്റോര്ദയിലെ ജവാഹര്ലാല് നെഹ്റു സ്റ്റേഡിയത്തില് നടന്ന മത്സരത്തില് ഗോവയ്ക്കായി നോഹ സദോയി, ബ്രാന്ഡന് ഫെര്ണാണ്ടസ് എന്നിവര് ഗോളടിച്ചു. ലാസര് സിര്കോവിചാണു ചെന്നൈയിനായി ഗോളടിച്ചത്. ഒന്നാം പകുതിയില് തന്നെയാണ് മൂന്നു ഗോളുകളും വീണത്. മുംബൈ സിറ്റിയാണ് സെമിയില് ഗോവയെ നേരിടുക.
Read More »