Business
-
സുവിധ എക്സ്പ്രസ് ട്രെയിനുകളിൽ ടിക്കറ്റ് ചാർജ് കുത്തനെ വർധിച്ചതിന് പിന്നാവെ ഫ്ലെക്സി നിരക്ക് സംവിധാനം പുനഃപരിശോധിക്കാൻ റെയിൽവേ; എസി ടിക്കറ്റിന് 11,000 രൂപ ക‌ടന്നു
ദില്ലി: സുവിധ എക്സ്പ്രസ് ട്രെയിനുകളിൽ ടിക്കറ്റ് ചാർജ് കുത്തനെ വർധിച്ചതിന് പിന്നാവെ ഫ്ലെക്സി നിരക്ക് സംവിധാനം പുനഃപരിശോധിക്കാൻ റെയിൽവേ. ആഘോഷ സീസണിൽ ജയ്പൂർ-യശ്വന്ത്പൂർ (ബെംഗളൂരു) റൂട്ടിലെ എസി-2 ബെർത്തിന് 11,230 രൂപയും മുംബൈ-പട്ന റൂട്ടിൽ 9,395 രൂപയും ടിക്കറ്റ് നിരക്ക് ഉയർന്നതിനെ തുടർന്നാണ് റെയിൽവേ പ്രീമിയം എക്സ്പ്രസ് ട്രെയിനുകളിലെ നിരക്ക് മാനദണ്ഡങ്ങൾ അവലോകനം ചെയ്യുക. എസി, നോൺ എസി ബർത്തുകളിൽ അടിസ്ഥാന നിരക്കിലും മറ്റ് നിരക്കുകളിലും 300% വരെ വർധനവ് റെയിൽവേ അനുവദിച്ചിരുന്നു. എന്നാൽ, ഈ ട്രെയിനുകളിലെ നിരക്കുകൾ അസാധാരണമായി ഉയർന്നത് റെയിൽവെയെ അമ്പരപ്പിച്ചു. വരും ദിവസങ്ങളിൽ നിരക്ക് കുറയുമെങ്കിലും ഇപ്പോഴത്തെ നിരക്ക് വർധന അപ്രതീക്ഷിതമാണ്. നിലവിൽ രണ്ട് സുവിധ എക്സ്പ്രസ് ട്രെയിനുകൾ മാത്രമാണ് മുംബൈ-പട്ന, ജയ്പൂർ-യശ്വന്ത്പൂർ എന്നീ റൂട്ടുകളിൽ ഓടുന്നത്. മുംബൈ-പട്ന ആഴ്ചയിൽ രണ്ടുതവണ സർവീസ് നടത്തുമ്പോൾ ബെംഗളൂരു-ജയ്പൂർ പ്രതിവാര സർവീസാണ്. തിരക്കേറിയ റൂട്ടുകളിൽ പ്രീമിയം എക്സ്പ്രസ് ട്രെയിൻ സർവീസ് 2014-ലാണ് ആരംഭിച്ചത്. റെയിൽവേയുടെ ടിക്കറ്റ് ബുക്കിംഗ് വെബ്‌സൈറ്റായ ഐആർസിടിസി…
Read More » -
ആമസോണിന്റെ ജനപ്രിയ വോയിസ് അസിസ്റ്റന്റ് സര്‍വീസായ അലെക്സയില്‍ നിന്ന് നിരവധിപ്പേരെ പിരിച്ചുവിടുന്നു…
ആമസോണിന്റെ ജനപ്രിയ വോയിസ് അസിസ്റ്റന്റ് സർവീസായ അലെക്സയിൽ നിന്ന് നിരവധിപ്പേരെ പിരിച്ചുവിടുന്നു. ബിസിനസ് മുൻഗണനകളിൽ മാറ്റം കൊണ്ടുവരുന്നതിന്റെ ഭാഗമായും ജനറേറ്റീവ് ആർട്ടിഫിഷ്യൽ ഇന്റലിജൻസ് രംഗത്ത് കൂടുതൽ ശ്രദ്ധ കേന്ദ്രീകരിക്കാൻ കമ്പനി തീരുമാനിച്ചതിന്റെയും അടിസ്ഥാനത്തിലാണ് മറ്റ് മേഖലകളിൽ ആളുകളുടെ എണ്ണം വെട്ടിക്കുറയ്ക്കുന്നത് ഉൾപ്പെടെയുള്ള മാറ്റങ്ങൾ വരുന്നത്. അലെക്സ യൂണിറ്റിൽ ജോലി ചെയ്യുന്ന നൂറുകണക്കിന് ജീവനക്കാരെ പുതിയ തീരുമാനം ബാധിക്കുമെന്ന് കമ്പനി വക്താവ് വെളിപ്പെടുത്തിയെങ്കിലും എത്ര പേരെ പിരിച്ചുവിടുമെന്ന് കൃത്യമായി പറയാൻ ആമസോൺ അധികൃതർ തയ്യാറായിട്ടില്ല. ബിസിനസിലെ മുൻഗണനകളോട് കൂടുതൽ ഒത്തുപോകുന്ന തരത്തിലും ഉപഭോക്താക്കൾ കൂടുതലായി താത്പര്യപ്പെടുന്നത് എന്തൊക്കെയെന്ന് മനസിലാക്കിയും തങ്ങളുടെ പ്രവർത്തനത്തിൽ ചില മാറ്റം കൊണ്ടുവരികയാണെന്നും ജനറേറ്റീവ് ആർട്ടിഫിഷ്യൽ ഇന്റലിജൻസിൽ കൂടുതൽ ശ്രദ്ധയും പരിശ്രമവും കേന്ദ്രീകരിക്കുന്നത് ഉൾപ്പെടെ ഇതിന്റെ ഭാഗമാണെന്നും അലെക്സ ആന്റ് ഫയർ ടിവി വൈസ് പ്രസിഡന്റ് ഡാനിയൽ റൗഷ് അയച്ച ഇ-മെയിൽ സന്ദേശത്തിൽ പറയുന്നു. പുതിയ മാറ്റങ്ങളോടെ ചില പദ്ധതികൾ അവസാനിപ്പിക്കുന്ന ഘട്ടത്തിലാണെന്നും അദ്ദേഹം കൂട്ടിച്ചേർത്തു. കഴിഞ്ഞ ഏതാനും മാസങ്ങളായി…
Read More » -
ടൂറിസം വകുപ്പിന് കീഴിലുള്ള ആദ്യ ഡെസ്റ്റിനേഷന്‍ വെഡ്ഡിംഗ് കേന്ദ്രം ശംഖുംമുഖത്ത്, ‘ആദ്യ വിവാഹം’ 30ന്; പ്രതിശ്രുത വധൂവരന്‍മാര്‍ക്കൊപ്പം മന്ത്രിയും എംപിയും മേയറും
തിരുവനന്തപുരം: കേരളത്തില്‍ ഡെസ്റ്റിനേഷന്‍ വെഡ്ഡിംഗ് പ്രോത്സാഹിപ്പിക്കുന്നതിന്റെ ഭാഗമായി ടൂറിസം വകുപ്പിന് കീഴിലുള്ള ആദ്യ കേന്ദ്രം ശംഖുംമുഖത്ത് ഒരുങ്ങി. ശംഖുംമുഖം ബീച്ച് പാര്‍ക്കിലുള്ള വെഡ്ഡിംഗ് ഡെസ്റ്റിനേഷന്‍ കേന്ദ്രം മന്ത്രി പി.എ മുഹമ്മദ് റിയാസ് ഉദ്ഘാടനം ചെയ്തു. സംസ്ഥാനത്ത് ടൂറിസം രംഗത്ത് വലിയ മാറ്റങ്ങളാണ് സൃഷ്ടിക്കപ്പെടുന്നതെന്നും ടൂറിസം ഇന്‍വെസ്റ്റേഴ്‌സ് മീറ്റിലൂടെ 15,000 കോടിയുടെ നിക്ഷേപം കേരളത്തിന് ലഭിച്ചുവെന്നും മന്ത്രി പറഞ്ഞു. ടൂറിസം ഇന്‍വെസ്റ്റേഴ്‌സ് മീറ്റ് പുതിയ തുടക്കമാണെന്നും കേരളത്തെ ഒരു ടൂറിസ്റ്റ് സ്റ്റേറ്റ് ആയി മാറ്റിയെടുക്കാനാണ് സര്‍ക്കാരിന്റെ ശ്രമമെന്നും മന്ത്രി കൂട്ടിച്ചേര്‍ത്തു. ശംഖുംമുഖം അര്‍ബന്‍ ബീച്ച് ഡെവലപ്പ്‌മെന്റിന്റെ ഭാഗമായി ടൂറിസം വകുപ്പ് നാല് കോടിയും സ്വകാര്യ പങ്കാളിത്തത്തില്‍ രണ്ട് കോടിയുമാണ് ഡെസ്റ്റിനേഷന്‍ കേന്ദ്രത്തിന് വിനിയോഗിച്ചത്. ഓഗ്മെന്റഡ് വെര്‍ച്വല്‍ റിയാലിറ്റി ഗെയിമിങ് സോണ്‍, സീ വ്യൂ കഫെ എന്നിവയും ഡെസ്റ്റിനേഷന്‍ വെഡ്ഡിംഗ് കേന്ദ്രത്തിനോട് ചേര്‍ന്ന് പ്രവര്‍ത്തനമാരംഭിക്കും. നവംബര്‍ 30ന് ഡെസ്റ്റിനേഷന്‍ വെഡ്ഡിങ് കേന്ദ്രത്തില്‍ ആദ്യ വിവാഹം നടക്കും. ലോകോത്തര ഇവന്റ് മാനേജര്‍മാരെ ഉള്‍പ്പെടുത്തിയാണ് പദ്ധതി നടപ്പാക്കുന്നത്.…
Read More » -
സംസ്ഥാന ടൂറിസം വകുപ്പ് സംഘടിപ്പിച്ച ടൂറിസം നിക്ഷേപക സംഗമത്തില്‍ ഒന്നും രണ്ടുമല്ല, 15,116.65 കോടി രൂപയുടെ നിക്ഷേപ വാഗ്ദാനം
തിരുവനന്തപുരം: സംസ്ഥാന ടൂറിസം വകുപ്പ് സംഘടിപ്പിച്ച ടൂറിസം നിക്ഷേപക സംഗമത്തില്‍(ടൂറിസം ഇന്‍വസ്റ്റേഴ്സ് മീറ്റ്-ടിം) ലഭിച്ചത് 15116.65 കോടി രൂപയുടെ നിക്ഷേപ വാഗ്ദാനം. 250 കോടി രൂപയുടെ ടൂറിസം പദ്ധതികള്‍ക്കുള്ള ധാരണാപത്രം താമര ലെഷര്‍ പ്രൈവറ്റ് ലിമിറ്റഡുമായി കേരള ടൂറിസം ഒപ്പു വച്ചു. ടൂറിസം നിക്ഷേപക സംഗമത്തിലെ നിര്‍ദ്ദേശങ്ങളും നിക്ഷേപ വാഗ്ദാനങ്ങള്‍ക്കുമുള്ള തുടര്‍നടപടികള്‍ കൈക്കൊള്ളുന്നതിനു വേണ്ടിയാണ് ഫെസിലിറ്റേഷന്‍ സെന്‍റര്‍ പ്രവര്‍ത്തിക്കുന്നതെന്ന് ടൂറിസം-പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് പറഞ്ഞു. സംരംഭങ്ങളുടെ അനുമതിക്ക് വേണ്ടി ടൂറിസം സെക്രട്ടറിയുടെ നേതൃത്വത്തില്‍ വിവിധ വകുപ്പ് സെക്രട്ടറിമാരുടെ ഏകോപനസമിതിയും പ്രവര്‍ത്തിക്കും. പദ്ധതികള്‍ക്ക് തടസ്സം നേരിട്ടാല്‍ ഏകോപനസമിതിയ്ക്ക് ഇടപെടാനാകും വിധമാകും ഇതിന്റെ പ്രവര്‍ത്തനം. ഇതോടൊപ്പം മന്ത്രി തലത്തില്‍ കൃത്യമായ ഇടവേളകളില്‍ യോഗങ്ങള്‍ ചേരുകയും അവലോകനം നടത്തുകയും ചെയ്യുമെന്നും മന്ത്രി വ്യക്തമാക്കി. അഞ്ഞൂറോളം നിക്ഷേപകരും സംരംഭകരുമാണ് ടൂറിസം മേഖലയ്ക്ക് വേണ്ടി മാത്രമായി സംഘടിപ്പിച്ച നിക്ഷേപക സംഗമത്തില്‍ പങ്കെടുത്തത്. 46 സ്റ്റാര്‍ട്ടപ്പുകളും ഉത്തരവാദിത്ത ടൂറിസം മേഖലയില്‍ നിന്ന് 118 സംരംഭകരും സംഗമത്തിലെത്തി.…
Read More » -
ഡിസംബർ 31ന് ശേഷം ഫോൺപേ, ഗൂഗിൾ പേ ഉപയോഗിക്കാൻ ഈ ഉപയോക്താക്കൾക്ക് കഴിഞ്ഞേക്കില്ല, ജാഗ്രതൈ!
ഇന്ന് വളരെ ജനകീയമായിട്ടുള്ള പേയ്മെന്റ് രീതിയാണ് യുപിഐ. രാജ്യത്തെ ഡിജിറ്റൽ പേയ്‌മെന്റുകളിൽ വിപ്ലവം സൃഷ്ടിച്ച തത്സമയ പേയ്മെന്റ് സംവിധാനമാണിത്. ഉപയോക്താക്കൾക്ക് ഒരു ബാങ്ക് അക്കൗണ്ടിൽ നിന്ന് മറ്റൊന്നിലേക്ക് സ്മാർട്ട്‌ഫോണുകൾ വഴി വളരെ എളുപ്പത്തിൽ പണം കൈമാറാം. യൂണിഫൈഡ് പേയ്മെന്റ് ഇന്റർഫേസ് അഥവാ യുപിഐ. നാഷണൽ പേയ്മെന്റ് കോർപ്പറേഷൻ ഓഫ് ഇന്ത്യയാണ് ഇത് വികസിപ്പിച്ചെടുത്തത്. ഇപ്പോഴിതാ യുപിഐ പേയ്‌മെന്റുകളെ കുറിച്ച് പുതിയ മാർഗ്ഗനിർദ്ദേശങ്ങൾ പുറത്തിറക്കിയിരിക്കുമാകയാണ് എൻസിപിഐ. എല്ലാ ബാങ്കുകളും, ഫോൺപേ, ഗൂഗിൾ പേ പോലുള്ള മൂന്നാം കക്ഷി ആപ്പുകളും പ്രവർത്തനരഹിതമായ യുപിഐ ഐഡി ക്ലോസ്‌ ചെയ്യാനൊരുങ്ങുകയാണ്. ഒരു വർഷമായി ഇടപാട് നടത്താത്ത ഐഡികൾ ബ്ലോക്ക് ചെയ്യാൻ നാഷണൽ പേയ്മെന്റ് കോർപ്പറേഷൻ ഓഫ് ഇന്ത്യ (എൻപിസിഐ) എല്ലാ ബാങ്കുകളോടും തേർഡ് പാർട്ടി ആപ്പുകളോടും നിർദ്ദേശിച്ചിട്ടുണ്ട്. ഇതിനായി ഡിസംബർ 31 വരെ എൻപിസിഐ സമയം അനുവദിച്ചിട്ടുണ്ട്. യുപിഐ ഐഡി ക്യാൻസൽ ആകാതിരിക്കാൻ ഉപയോക്താക്കൾ ഈ തീയതിക്ക് മുമ്പ് നിങ്ങളുടെ യുപിഐ ഐഡി സജീവമാക്കണം. അതേസമയം ഉപയോക്താക്കളുടെ…
Read More » -
മുകേഷ് അംബാനിക്ക് വധഭീഷണി അയച്ച വിദ്യാർത്ഥി, രാജ്‌വീർ ഖാന്ത് ആരാണ് ?
കഴിഞ്ഞ മാസം അവസാനമാണ് റിലയൻസ് മേധാവി മുകേഷ് അംബാനിക്ക് വധഭീഷണി ലഭിക്കുന്നത്. അതും നാല് ദിവസങ്ങൾക്കുള്ളിൽ മൂന്നെണ്ണം. ആദ്യം 20 കോടി ആവശ്യപ്പെട്ടിട്ട് ആയിരുന്നങ്കിൽ പിന്നീട അത് 40 കോടിയും 400 കോടിയുമായി. രാജ്യത്തെ ഏറ്റവും വലിയ ലക്ഷ്വറി മാളായ ജിയോ വേൾഡ് പ്ലാസയുടെ ഉദ്ഘടന തിരക്കിലായിരുന്നു മുകേഷ് അംബാനി. വധഭീഷണി എത്തിയതോടു കൂടി മുകേഷ് അംബാനിയുടെ സെക്യൂരിറ്റി ടീം മുംബൈ പോലീസിൽ എഫ്‌ഐആർ ഫയൽ ചെയ്തിരുന്നു. ഒരാഴ്ചയ്ക്കുള്ളിൽ തന്നെ പ്രതിയെ കണ്ടെത്തി കസ്റ്റഡിയിൽ എടുത്തിരിക്കുകയാണ് മുംബൈ പൊലീസ്. ഇമെയിലുകൾക്ക് പിന്നിലെ മനഃശാസ്ത്രം പതുക്കെ മനസ്സിലാക്കുകയായിരുന്നു പൊലീസ്. ആദ്യ ഭീഷണിയിൽ നിന്ന് തന്നെ പ്രതി തന്റെ ബുദ്ധി തെളിയിക്കാനാണ് ശ്രമിക്കുന്നതെന്ന് വ്യക്തമായിരുന്നു. ഇതിനെ പിന്തുടർന്നായിരുന്നു പിന്നീട അന്വേഷണം. ഗുജറാത്തിൽ ബിടെക് പഠിക്കുന്ന രാജ്‌വീർ ഖാന്ത് എന്ന 21 കാരനായ വിദ്യാർത്ഥിയാണ് വധഭീഷണി മുഴക്കിയതിലെ പ്രധാന പ്രതി. തന്റെ കോളേജ് സുഹൃത്തുക്കൾക്ക് മുൻപിൽ തന്റെ സാങ്കേതിക വൈദഗ്ധ്യം കാണിക്കാൻ ആഗ്രഹിച്ച രാജ്‌വീർ ഖാന്ത്,…
Read More » -
റെയിൽവേ സ്റ്റേഷനിൽ ഒരു കട തുറക്കണോ? ടെൻഡർ, വാടക, അപേക്ഷാ രീതി എന്നിവ ഇതാ
ദശലക്ഷക്കണക്കിന് ആളുകൾ ദിവസവും ഇന്ത്യൻ റെയിൽവേയിലൂടെ യാത്ര ചെയ്യുന്നതിനാൽ, റെയിൽവേ പ്ലാറ്റ്‌ഫോമുകളിൽ ഒരു ബിസിനസ്സ് ആരംഭിക്കുന്നതിന് വലിയ സാധ്യതകളുണ്ട്. റെയിൽവേ സ്റ്റേഷനിൽ ചായ, കാപ്പി, ഭക്ഷണം, കുപ്പിവെള്ളം, പുസ്തകങ്ങൾ, കളിപ്പാട്ടങ്ങൾ, പത്രങ്ങൾ, മറ്റ് വസ്തുക്കൾ എന്നിവ വിൽക്കുന്ന ഒരു കട തുറക്കുന്നത് സ്ഥിരമായ വരുമാനം ഉറപ്പാക്കാനും സഹായിക്കും റെയിൽവേ സ്റ്റേഷനിൽ എങ്ങനെ ഒരു കട തുറക്കാം? പ്ലാറ്റ്‌ഫോമുകളിൽ കട തുറക്കുന്നതിന് ഇന്ത്യൻ റെയിൽവേ പതിവായി ടെൻഡറുകൾ ക്ഷണിക്കാറുണ്ട്. ഐആർസിടിസി പോർട്ടലിൽ ടെൻഡറുകളുടെ ലഭ്യത പരിശോധിക്കാം. നിങ്ങൾ തുറക്കാൻ ആഗ്രഹിക്കുന്ന സ്റ്റോറിന്റെ തരം അനുസരിച്ച് ടെൻഡർ പൂരിപ്പിക്കാം. പുസ്തകങ്ങൾ, ചായ, ഭക്ഷണം, പത്രങ്ങൾ, കുപ്പിവെള്ളം, കളിപ്പാട്ടങ്ങൾ എന്നിവ വിൽക്കുന്ന കടകളിൽ നിന്ന് നിങ്ങൾക്ക് ഇഷ്ടമുള്ളവ തിരഞ്ഞെടുക്കാം.ഷോപ്പിന്റെ സ്ഥാനവും വലുപ്പവും അനുസരിച്ച് റെയിൽവേയ്ക്ക് ഫീസ് നൽകണം. ഈ നിരക്ക് 30,000 രൂപ മുതൽ 40,000 രൂപ വരെയാകാം.നിങ്ങളുടെ ഷോപ്പ് ശ്രദ്ധാപൂർവം ഒരു പ്രധാന സ്ഥലത്ത് സജ്ജീകരിക്കുക എന്നതാണ് ശ്രദ്ദിക്കേണ്ട കാര്യം . ടെൻഡറുകൾക്ക് എങ്ങനെ…
Read More » -
ജനങ്ങളെ ഊറ്റി പൊതുമേഖലാ എണ്ണ കമ്പനികൾ; 2023-24 സാമ്പത്തിക വർഷത്തിന്റെ രണ്ടാം പാദത്തിൽ ലാഭം 27,295 കോടി രൂപ!
2023-24 സാമ്പത്തിക വർഷത്തിന്റെ രണ്ടാം പാദത്തിൽ പൊതുമേഖലാ എണ്ണ കമ്പനികളുടെ ആകെ ലാഭം 27,295 കോടി രൂപ. ഉയർന്ന ക്രൂഡ് വില കാരണം കഴിഞ്ഞ സാമ്പത്തിക വർഷം നഷ്ടം നേരിട്ട സ്ഥാനത്താണ് ഇന്ത്യൻ ഓയിൽ കോർപ്പറേഷൻ ലിമിറ്റഡ് (ഐഒസിഎൽ), ഭാരത് പെട്രോളിയം കോർപ്പറേഷൻ ലിമിറ്റഡ് (ബിപിസിഎൽ), ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡ് (എച്ച്പിസിഎൽ) എന്നിവയുൾപ്പെടെയുള്ള കമ്പനികൾ ലാഭം നേടിയത്. രാജ്യത്തെ ഏറ്റവും വലിയ എണ്ണ കമ്പനിയായ ഇന്ത്യൻ ഓയിൽ രണ്ടാം പാദത്തിൽ 12,967 കോടി രൂപയുടെ അറ്റാദായം കൈവരിച്ചു . കഴിഞ്ഞ വർഷം ഇതേ കാലയളവിൽ ഇത് 272 കോടി രൂപയായിരുന്നു. സെപ്റ്റംബർ 30ന് അവസാനിച്ച പാദത്തിൽ ഭാരത് പെട്രോളിയവും ഹിന്ദുസ്ഥാൻ പെട്രോളിയവും യഥാക്രമം 8,501 കോടി രൂപയും 5,827 കോടി രൂപയും അറ്റാദായം നേടി. അതേ സമയം ക്രൂഡ് ഓയിൽ വില തൊട്ടു മുൻ പാദത്തെ അപേക്ഷിച്ച് നിന്ന് 11 ശതമാനം വർധിച്ചതിനാൽ ലാഭത്തിൽ കുറവുണ്ടായി. സൗദി അറേബ്യയും റഷ്യയും…
Read More » -
റിട്ടയര്‍മെന്‍റിന് ശേഷം യുബര്‍ ഡ്രൈവറായി; റൈഡുകളില്‍ 30 ശതമാനവും റദ്ദാക്കി; ഡ്രൈവര്‍ സമ്പാദിച്ചത് 23 കോടി രൂപ !
റിട്ടയര്‍മെന്‍റിന് ശേഷമാണ് അദ്ദേഹം യുബര്‍ ഡ്രൈവറായത്. അതും കുറച്ച് അധികം പണം സമ്പാദിക്കുക എന്ന ലക്ഷ്യത്തോടെ. തന്റെ ലക്ഷ്യത്തിലേക്കായി അദ്ദേഹം ആദ്യം ചെയ്തത് തനിക്ക് വരുന്ന റൈഡുകള്‍ പലതും ഉപേക്ഷിക്കുകയായിരുന്നു. ഇങ്ങനെ റൈഡുകള്‍ റദ്ദാക്കി അദ്ദേഹം സമ്പാദിച്ചത് 23.3 കോടി രൂപ (28,000 ഡോളര്‍). അതും വെറും 1,500 ഓളം ട്രിപ്പുകള്‍ മാത്രം ചെയ്തുകൊണ്ട്. താന്‍ വെറും 10 ശതമാനത്തില്‍ താഴെ റൈഡുകള്‍ മാത്രമാണ് ഏറ്റെടുത്തതെന്നും 30 ശതമാനത്തോളം റൈഡുകള്‍ ഒഴിവാക്കിയെന്നും 70 കാരനായ യുബര്‍ ഡ്രൈവര്‍ അവകാശപ്പെടുന്നു. തന്റെ യഥാര്‍ത്ഥ പേര് ഉപയോഗിക്കരുതെന്നും അത് തന്റെ ഔദ്ധ്യോഗിക ജീവിതത്തെ ബാധിക്കുമെന്നും അദ്ദേഹം പറഞ്ഞതായി ബിസിനസ് ഇന്‍സൈഡര്‍ എഴുതുന്നു. തന്റെ സമയത്തിന് മൂല്യമുള്ളതായി തോന്നിയ അപേക്ഷകൾ മാത്രമാണ് സ്വീകരിച്ചതെന്ന് അദ്ദേഹം പറയുന്നു. ഇത്തരത്തില്‍ 2022ൽ ഏകദേശം 1500 ട്രിപ്പുകളിലൂടെ താന്‍ 23.3 കോടിയിലധികം രൂപയാണ് സമ്പാദിച്ചതെന്ന് അദ്ദേഹം അവകാശപ്പെട്ടു. താൻ താമസിക്കുന്ന പ്രദേശത്തും പരിസരത്തും യുബര്‍ വിളികളുടെ എണ്ണം കുറഞ്ഞതായി അദ്ദേഹം…
Read More » -
ലോകത്തിൽ ഏറ്റവും കൂടുതൽ വിമാനങ്ങൾ വാങ്ങുന്ന രാജ്യമായി ഇന്ത്യ! ഈ വർഷം മാത്രം 1,000 വിമാനങ്ങൾക്കാണ് ഓർഡർ
ലോകത്തിൽ ഏറ്റവും കൂടുതൽ വിമാനങ്ങൾ വാങ്ങുന്ന രാജ്യമായി ഇന്ത്യ. ഈ വർഷം മാത്രം വിവിധ എയർലൈനുകൾ ഏകദേശം 1,000 വിമാനങ്ങൾക്കാണ് ഓർഡർ നൽകിയിരിക്കുന്നത്. രാജ്യത്തെ വ്യോമയാന മേഖലയുടെ ശക്തമായ കുതിപ്പാണ് ഇതിന് കാരണം .രാജ്യത്തെ ജനസംഖ്യയുടെ ഏകദേശം 3% സ്ഥിരമായി വിമാനങ്ങളുപയോഗിക്കുന്നവരാണ്. എന്നാൽ 140 കോടി ജനങ്ങളുള്ള ഒരു രാജ്യത്ത്, 3 ശതമാനം എന്നത് 42 ദശലക്ഷം പേരാണ് എന്നുള്ളതാണ് വ്യോമയാന മേഖലയുടെ ശക്തി. ഇന്ത്യയുടെ വികസിച്ചുകൊണ്ടിരിക്കുന്ന വ്യോമയാന വിപണിയുടെ രണ്ട് ഗുണഭോക്താക്കൾ ലോകത്തിലെ ഏറ്റവും വലിയ വിമാന നിർമ്മാതാക്കളാണ്: അമേരിക്കയിലെ ബോയിംഗും യൂറോപ്പിലെ എയർബസും. ഫെബ്രുവരിയിൽ, ടാറ്റ ഗ്രൂപ്പ് ഏറ്റെടുത്ത എയർ ഇന്ത്യ, എയർബസിൽ നിന്ന് 250 വിമാനങ്ങളും ബോയിംഗിൽ നിന്ന് 220 വിമാനങ്ങളും വാങ്ങാൻ തീരുമാനിച്ചിട്ടുണ്ട്. രാജ്യത്തെ ഏറ്റവും വലിയ വിമാനകന്പനിയായ ഇൻഡിഗോ 500 പുതിയ എയർബസ് എ320 വിമാനങ്ങൾക്കാണ് ഓർഡർ നൽകിയിരിക്കുന്നത്. കഴിഞ്ഞ ഒമ്പത് വർഷത്തിനുള്ളിൽ വിമാനത്താവളങ്ങളുടെ എണ്ണം 74ൽ നിന്ന് 148 ആയി ഇരട്ടിയായി വർധിച്ചിട്ടുണ്ട്.…
Read More »