ചെന്നൈ: ‘അത് വ്യാജവാർത്തയാണ് സർ..’ധനുഷുമായുള്ള തന്റെ വിവാഹം നടക്കാൻ പോകുന്നു എന്ന് രീതിയിൽ പ്രചരിക്കുന്ന വാർത്തകളോട് ആദ്യമായി പ്രതികരിച്ച് നടി മീന.
തമിഴ് സൂപ്പർ താരം ധനുഷുമായി നടി മീന വിവാഹിതയാകുന്നുവെന്ന അഭ്യൂഹങ്ങൾ കഴിഞ്ഞ കുറച്ച് ദിവസങ്ങളായി സോഷ്യൽ മീഡിയയിൽ പ്രചരിക്കുന്നുണ്ട്.ഇപ്പോൾ സംഭവത്തിൽ പ്രതികരണവുമായി മീന തന്നെ രംഗത്ത് വന്നിരിക്കുകയാണ്.
‘ വിദ്യാസാഗർ പോയെന്ന് ഇപ്പോഴും എനിക്ക് വിശ്വസിക്കാൻ സാധിക്കുന്നില്ല.എന്റെ ശ്രദ്ധ മുഴുവൻ ഇപ്പോൾ മകൾ നൈനകയുടെ ഭാവിയെക്കുറിച്ചോർത്താണ്’- മീന വ്യക്തമാക്കി.
മീനയുടെ ഭർത്താവ് വിദ്യാസാഗർ 2022 ജൂൺ 28നാണ് മരിക്കുന്നത്.ഏതാനും മാസങ്ങൾ കഴിഞ്ഞപ്പോൾ തന്നെ മീന രണ്ടാം വിവാഹത്തിനൊരുങ്ങുന്നു എന്ന തരത്തിൽ റിപ്പോർട്ടുകൾ പ്രചരിച്ചിരുന്നു.ധനുഷിന്റെ പേരിനൊപ്പം തന്നെ കുടുംബസുഹൃത്തായ മറ്റൊരു വ്യവസായിയുടെ പേരും ഉയർന്ന് വന്നിരുന്നു.ഈ അഭ്യൂഹങ്ങളൊക്കെ തള്ളിക്കൊണ്ടാണ് മീനയുടെ മറുപടി.
