കട്ടപ്പന: കട്ടപ്പന- കുട്ടിക്കാനം റോഡില്‍ പാലാക്കടയ്ക്ക് സമീപം ഓട്ടോറിക്ഷയ്ക്ക് മുകളിലേക്ക് മരം ഒടിഞ്ഞു വീണെങ്കിലും യാത്രക്കാർ രക്ഷപ്പെട്ടു.ഓട്ടോയിൽ ഉണ്ടായിരുന്ന അമ്മയും മൂന്നു കുട്ടികളും ഉള്‍പ്പെടെയുള്ള യാത്രക്കാർ തലനാരിഴയ്ക്കാണ് രക്ഷപെട്ടത്.
ഇന്നലെ ഉച്ചകഴിഞ്ഞ് മൂന്നരയോടെയായിരുന്നു അപകടം. കനത്ത മഴയില്‍ റോഡരികില്‍നിന്ന മരം ഒടിഞ്ഞ് ഓട്ടോയ്ക്ക് മുകളിലേക്ക് വീഴുകയായിരുന്നു. കട്ടപ്പനയില്‍നിന്ന് ഉപ്പുതറയിലേക്ക് പോകുകയായിരുന്നു ഓട്ടോ.
മരം വീഴുന്നതുകണ്ട് ഡ്രൈവര്‍ പെട്ടെന്ന് വാഹനം വെട്ടിച്ചു മാറ്റുകയായിരുന്നു മരത്തിന്റെ കമ്ബുകള്‍ വന്നടിച്ച്‌ ഓട്ടോയുടെ ചില്ലുകൾ ഉൾപ്പടെ തകർന്നിട്ടുണ്ട്.
