ഫുജൈറ: ആലപ്പുഴ സ്വദേശി യു.എ.ഇയിലെ ഖോർഫക്കാന് സമീപം കാറില്‍ മരിച്ച നിലയില്‍ കാണപ്പെട്ടു. ആലപ്പുഴ സ്വദേശി ഷമീര്‍ മുഹമ്മദ് (47)ആണ് ഖോര്‍ഫക്കാനിനടുത്ത ബിദിയയില്‍ കാറിനുള്ളിൽ മരിച്ച നിലയിൽ കാണപ്പെട്ടത്.
കൂടെയുണ്ടായിരുന്ന കുടുംബത്തെ നാട്ടിലേക്ക് യാത്രയാക്കി മടങ്ങവേയാണ് മരണം സംഭവിച്ചതെന്ന് കരുതുന്നു. നാട്ടിലെത്തിയ കുടുംബം ബന്ധപ്പെട്ടിട്ട് മറുപടി ലഭിക്കാതായതോടെ സുഹൃത്തുക്കളെ ബന്ധപ്പെടുകയായിരുന്നു.
ഭാര്യ: സിമി (ഖോര്‍ഫക്കാന്‍ ഈസ്റ്റ് കോസ്റ്റ് സ്കൂള്‍ അധ്യാപിക). മക്കള്‍: അഫ്താബ്, അല്‍ഫിയ.
