കോഴിക്കോട്: പുല്ലൂരാംപാറ മലയോര ഹൈവേയിൽ സ്ഥാപിച്ച പൂച്ചട്ടികൾ മോഷണം പോയി.ഹൈവേയുടെ ഇരു ഭാഗങ്ങളിലും പതിച്ച ഇൻ്റർലോക്കിനോട് ചേർന്ന സിമൻ്റ് കാലുകളിൽ ഭംഗിയായി സ്ഥാപിച്ച ബോഗൻ വില്ല, റോസുകൾ തുടങ്ങിയവയാണ് കഴിഞ്ഞ ദിവസങ്ങളിൽ വ്യാപകമായി മോഷണം പോയത്.
ഇവിടങ്ങളിൽ ഇത് സ്ഥിരം പരിപാടിയാണെന്ന് നാട്ടുകാർ ആരോപിക്കുന്നു.ആനക്കാംപൊയിൽ റോഡിൽ വീടിൻ്റെ മതിലിൽ അലങ്കാരത്തിന് വെച്ച ചെടികൾ കാണാതെ പോയതായി മുമ്പ് പരാതി ഉയർന്നിരുന്നു.ചെടികൾ കൊണ്ട് പോകുന്ന ദൃശ്യങ്ങൾ കാമറയിൽ പതിഞ്ഞിട്ടുണ്ട് എന്നാണ് ലഭ്യമായ വിവരം.
