CrimeNEWS

ഭാര്യയുടെ സ്വകാര്യഭാഗം അലൂമിനിയം കമ്പി കൊണ്ട് തുന്നിച്ചേർത്തു,കാരണം സംശയരോഗം

പോലീസിനോട് ഭർത്താവ് രാകേഷ് കുറ്റം ഏറ്റുപറഞ്ഞു

ഉത്തർപ്രദേശിലെ രാംപൂറിൽ സംശയരോഗിയായ ഭർത്താവ് ഭാര്യയുടെ സ്വകാര്യഭാഗം അലൂമിനിയം കമ്പി കൊണ്ട് തുന്നിച്ചേർത്തു. ഭാര്യ തന്നെ വഞ്ചിക്കുകയാണെന്ന സംശയത്തിലാണ് 25 കാരനായ ഭർത്താവ് ഈ ക്രൂരകൃത്യം ചെയ്തത്. പോലീസിനോട് ഭർത്താവ് രാകേഷ് കുറ്റം ഏറ്റുപറഞ്ഞു. രണ്ടു വർഷം മുമ്പായിരുന്നു ഇവരുടെ വിവാഹം നടന്നത്.

യുവതിക്ക് മാരകമായി പരിക്കേറ്റു. തുടർന്ന് ആശുപത്രിയിൽ പ്രവേശിപ്പിച്ചു. താൻ വഞ്ചകി അല്ലെന്ന് യുവതി കരഞ്ഞു പറഞ്ഞിട്ടും ഭർത്താവ് മർദ്ദിച്ച് അവശയാക്കിയശേഷം സ്വകാര്യഭാഗം തുന്നി ചേർക്കുകയായിരുന്നു. വേദന സഹിക്കാതെ ഭാര്യ ഉച്ചത്തിൽ കരഞ്ഞതോടെ ഇയാൾ വീട്ടിൽ നിന്ന് ഓടി രക്ഷപ്പെടുകയായിരുന്നു.

അടുത്ത ഗ്രാമത്തിൽ താമസിക്കുന്ന അമ്മയെ യുവതി വിവരം വിളിച്ചുപറഞ്ഞു.അമ്മയാണ് പോലീസിൽ ഇക്കാര്യം അറിയിച്ചത്. തുടർന്ന് ആംബുലൻസിൽ യുവതിയെ ആശുപത്രിയിലേക്ക് കൊണ്ടുപോയി. അമ്മയുടെയും മറ്റൊരു സ്ത്രീയുടെയും സഹായത്തോടെ യുവതി ആശുപത്രിയിലേക്ക് നടക്കുന്ന ദൃശ്യങ്ങൾ പുറത്ത് വന്നിട്ടുണ്ട്.

പോലീസ് നടത്തിയ തിരച്ചിലിലാണ് ഭർത്താവിനെ കണ്ടെത്തിയത്. ഗ്രാമത്തിലെ മറ്റൊരാളെ ഭാര്യ കാണാറുണ്ട് എന്നായിരുന്നു ആരോപണം. തന്റെ വിലക്ക് ലംഘിച്ചതിനാണ് ഇത്തരത്തിൽ ഒരു പ്രയോഗം നടത്തിയത് എന്നാണ് ഭർത്താവ് പോലീസിനോട് പറഞ്ഞത്.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker