Tag Archives: Death

ഒഡീഷ-ആന്ധ്ര അതിര്‍ത്തിയിൽ ട്രെയിനപകടം,32 മരണം

ജഗ്ദല്‍പുര്‍ ഭുവനേശ്വര്‍ ഹിരാഖണ്ഡ് എക്‌സ്പ്രസ് ഒഡീഷ-ആന്ധ്ര അതിര്‍ത്തിയിലെ കുനേരു സ്‌റ്റേഷന് സമീപം പാളംതെറ്റിയുണ്ടായ അപകടത്തില്‍ മരിച്ചവരുടെ എണ്ണം 32 ആയി. ഔദ്യോഗികമായി 12 പേര്‍ മരിച്ചതായി സ്ഥിരീകരിക്കപ്പെട്ടിട്ടുണ്ട്. 50 ഓളം പേര്‍ക്ക് പരിക്കേറ്റു.

എഞ്ചിനും ഏഴ് കോച്ചുകളുമാണ് പാളം തെറ്റിയത്. എന്‍ജിന് പുറമെ ലഗേജ് വാന്‍, രണ്ട് ജനറല്‍ കോച്ചുകള്‍, രണ്ട് സ്ലീപ്പര്‍ കോച്ചുകള്‍, ഒരു എ.സി ത്രീടയര്‍ കോച്ച്, ഒരു എ.സി ടൂ ടയര്‍ കോച്ച്, എന്നിവയാണ് പാളംതെറ്റിയതെന്ന് ഈസ്റ്റ്‌കോസ്റ്റ് റെയില്‍വെ പി.ആര്‍.ഒ ജെ.പി മിശ്ര പറഞ്ഞു.

 

ചത്തീസ്ഗഢിലെ ജഗദല്‍പൂരില്‍ നിന്ന് ഒഡീഷയിലെ ഭുവനേശ്വറിലേക്ക് വരുകയായിരുന്ന ട്രെയിനാണ് ശനിയാഴ്ച രാത്രി 11 മണിയോടെ അപകടത്തില്‍ പെട്ടത്. രാത്രി 10.40ന് ഒഡീഷ്യയിലെ രായഗഡ് പിന്നിട്ട ട്രെയിന്‍ ജിമിഡിപേട്ടയ്ക്കും കുനേരു സ്‌റ്റേഷനും മധ്യേയാണ് പാളം തെറ്റിയത്. ആന്ധ്രഒഡീഷ അതിര്‍ത്തിയില്‍ വച്ചാണ് അപകടം നടന്നത്.
അപകടത്തില്‍പ്പെട്ട കോച്ചുകളില്‍ 100 ഓളം കുടുങ്ങിപ്പോയിരുന്നു. ഇതില്‍ സാരമായി പരിക്കേറ്റവരെ ആശുപത്രികളിലേക്ക് മാറ്റി. രക്ഷാപ്രവര്‍ത്തനത്തിനായി റെയില്‍വേയുടെ നാല് റിലീഫ് വാനുകള്‍ സ്ഥലത്തെത്തി.ഒഡീഷയിലെ രായഗഡയില്‍നിന്ന് 24 കിലോമീറ്റര്‍ അകലെയാണ് അപകടം നടന്ന സ്ഥലം.