ഇന്ത്യന്‍ ഹോക്കി ടീം ക്യാപ്റ്റന്‍ മന്‍പ്രീത് സിങ്ങിനും മൂന്ന് താരങ്ങള്‍ക്കും കോവിഡ്

ന്യൂഡല്‍ഹി: ഇന്ത്യന്‍ ഹോക്കി ടീം ക്യാപ്റ്റന്‍ മന്‍പ്രീത് സിങ്ങിനും മൂന്ന് താരങ്ങള്‍ക്കും കോവിഡ് സ്ഥിരീകരിച്ചു.

ബെംഗളൂരുവില്‍ ആരംഭിക്കാനിരുന്ന ദേശീയ ക്യാമ്പിനു മുമ്പ് നടത്തിയ പരിശോധനയിലാണ് താരങ്ങള്‍ക്ക് രോഗം സ്ഥിരീകരിച്ചത്. മന്‍പ്രീതിനെ കൂടാതെ ഡിഫന്‍ഡര്‍ സുരേന്ദര്‍ കുമാര്‍, ജസ്‌കരണ്‍ സിങ്, വരുണ്‍ കുമാര്‍ എന്നിവര്‍ക്കും രോഗം സ്ഥിരീകരിച്ചു.

തനിക്ക് കോവിഡ് സ്ഥിരീകരിച്ചതായും സായി ക്യാമ്പസില്‍ ക്വാറന്റൈനില്‍ കഴിയുകയാണെന്നും അധികാരികള്‍ ഈ സാഹചര്യം കൈകാര്യം ചെയ്തതില്‍ സന്തുഷ്ടനാണെന്നും ഉടന്‍ തന്നെ സുഖം പ്രാപിക്കുമെന്ന് പ്രതീക്ഷിക്കുന്നതായും മന്‍പ്രീത് പ്രസ്താവനയില്‍ വ്യക്തമാക്കി.

Leave a Reply

Your email address will not be published. Required fields are marked *