KeralaNEWS

ജില്ലയിലെ മുഴുവന്‍ വിദ്യാര്‍ഥികള്‍ക്കും ഓണ്‍ലൈന്‍ വിദ്യാഭ്യാസം നടപ്പിലാക്കാന്‍ ഒരുങ്ങി മലപ്പുറം ജില്ലാ പഞ്ചായത്ത്

മലപ്പുറം: ജില്ലയിലെ മുഴുവന്‍ വിദ്യാര്‍ഥികള്‍ക്കും ഓണ്‍ലൈന്‍ വിദ്യാഭ്യാസം നടപ്പിലാക്കാന്‍ ജില്ലാ പഞ്ചായത്ത്. ഗ്രാമപഞ്ചായത്തുകള്‍, ബ്ലോക്ക് പഞ്ചായത്തുകള്‍, മുന്‍സിപ്പാലിറ്റികള്‍, ജനപ്രതിനിധികള്‍, സന്നദ്ധ സംഘടനകള്‍ എന്നിവരുടെ സഹായത്തോടെ ഓണ്‍ലൈന്‍ വിദ്യാഭ്യാസം ഉറപ്പുവരുത്താന്‍ ഒരുങ്ങുകയാണ് ജില്ലാ പഞ്ചായത്ത്.

കുട്ടികള്‍ക്ക് പഠിക്കുന്നതിന് ആവശ്യമായ ഇലക്ട്രോണിക് ഉപകരണങ്ങളില്ലാത്ത രണ്ടായിരത്തോളം വീടുകളാണ് ജില്ലയിലുള്ളത്. ഇതില്‍ 271 വീടുകള്‍ പട്ടികവര്‍ഗത്തില്‍പ്പെട്ട വീടുകളാണ്. പദ്ധതിയുടെ ആദ്യഘട്ടമായി എല്ലാ വീടുകളിലും കുട്ടികള്‍ക്ക് ഒരു ടാബോ, സ്മാര്‍ട്ട് ഫോണോ നല്‍കും. രണ്ടാംഘട്ടത്തില്‍ എല്ലാ വിദ്യാര്‍ഥികള്‍ക്കും വ്യക്തിതലത്തില്‍ ഓണ്‍ലൈന്‍ ഡിവൈസ് ഉറപ്പു വരുത്തുകയുമാണ് ലക്ഷ്യം.

പദ്ധതി നടപ്പാക്കുന്നതിനായി ഗ്രാമപഞ്ചായത്ത് പ്രസിഡന്റുമാരുടെ യോഗം ചേരും. ഗ്രാമപഞ്ചായത്തുകള്‍ക്ക് ഇതിനായി പദ്ധതിവെക്കുന്നതിന് സര്‍ക്കാരില്‍ നിന്ന് പ്രത്യേക അംഗീകാരം വാങ്ങാനാണ് തീരുമാനം. എല്ലാ മാസവും പദ്ധതികളുടെ പുരോഗതി വിലയിരുത്തുന്നതിന് വിദ്യാഭ്യാസ ഓഫീസര്‍മാരുടെ അവലോകന യോഗം ജില്ലാ പഞ്ചായത്തില്‍ ചേരും.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker