KeralaNews

സ്‌കൂള്‍ പ്രവേശനത്തിന് വാക്‌സിന്‍ നിര്‍ബന്ധമാക്കി

തിരുവനന്തപുരം: സംസ്ഥാന സര്‍ക്കാര്‍ പുതിയ ആരോഗ്യ നയം പ്രഖ്യാപിച്ചു. പുതിയ ആരോഗ്യ നയത്തില്‍ സ്‌കൂള്‍ പ്രവേശനത്തിന് വാക്‌സിന്‍ നിര്‍ബന്ധമാക്കി. വാക്‌സിന്‍ വിരുദ്ധ പ്രചാരണം വ്യാപകമായ സാഹചര്യത്തിലാണ് നടപടി. വാക്‌സിനേഷനെതിരെയുള്ള പ്രചരണങ്ങള്‍ പരാജയപ്പെടുത്തുന്നതിന് നടപടി സ്വീകരിക്കുമെന്ന് ആരോഗ്യ നയത്തില്‍ വ്യക്തമാക്കുന്നു.

കരട് ആരോഗ്യനയത്തിന് മന്ത്രിസഭ അംഗീകാരം നല്‍കി. ആരോഗ്യ മേഖലലെ പൊതുജനാരോഗ്യം, ക്ലിനിക്ക് എന്നിങ്ങനെ രണ്ടായി തിരിക്കുമെന്ന് വാര്‍ത്താ സമ്മേളനത്തില്‍ ആരോഗ്യ മന്ത്രി കെ.കെ ഷൈലജ അറിയിച്ചു. പ്രാഥമികാരോഗ്യ കേന്ദ്രങ്ങളുടെ പ്രവര്‍ത്തനം വൈകുന്നേരം ആറ് മണി വരെയാക്കും. ആരോഗ്യ രംഗത്തെ കച്ചവടവല്‍ക്കരണം അവസാനിപ്പിക്കുമെന്നും മന്ത്രി പറഞ്ഞു.

പകര്‍ച്ചവ്യാധികള്‍ക്കെതിരെ ശക്തമായ പ്രചരണം നടത്തും. വാക്‌സിന്‍ വിരുദ്ധ പ്രചരണം അവസാനിപ്പിക്കും. ജീവിതശൈലി രോഗങ്ങള്‍ നിയന്ത്രിക്കുന്നതിന് നടപടി സ്വീകരിക്കും. പ്രമേഹം, രക്താദിസമ്മര്‍ദ്ദം. ക്യാന്‍സര്‍ എന്നിവയെല്ലാം പ്രത്യേകം കാണുമെന്നും മന്ത്രി കൂട്ടിച്ചേര്‍ത്തു.

Show More

Related Articles

Leave a Reply

Your email address will not be published. Required fields are marked *

Close