KeralaNEWS

പ്രതിപക്ഷം പ്രതികാരപക്ഷമാകരുത്: മുഖ്യമന്ത്രി പിണറായി വിജയൻ

നുണ പറഞ്ഞ് തെറ്റിദ്ധരിപ്പിച്ച് കേരളത്തിന്റെ അന്നം മുടക്കാനാണ് പ്രതിപക്ഷ ശ്രമം. ഭക്ഷ്യ കിറ്റെന്നത് പുതിയ കാര്യമല്ല. മാസങ്ങളായി നല്‍കുന്നതാണ്...

കോഴിക്കോട് : പ്രതിപക്ഷം പ്രതിപക്ഷമായാണ് നിൽക്കേണ്ടത് അല്ലാതെ പ്രതികാരപക്ഷമായല്ല നിലകൊള്ളേണ്ടതെന്ന് മുഖ്യമന്ത്രി പിണറായി വിജയൻ.

കോഴിക്കോട് വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം. തിരഞ്ഞെടുപ്പ് കമ്മീഷനെ നുണ പറഞ്ഞ് തെറ്റിദ്ധരിപ്പിച്ച് കേരളത്തിന്റെ അന്നം മുടക്കാനാണ് പ്രതിപക്ഷ നേതാവ് ശ്രമിച്ചതെന്നും പിണറായി കുറ്റപ്പെടുത്തി.

തിരഞ്ഞെടുപ്പ് കമ്മീഷന് നൽകിയ നിവേദനത്തിൽ പ്രതിപക്ഷ നേതാവ് ആക്ഷേപിച്ചത് ഏപ്രിലിലെ സാമൂഹിക ക്ഷേമ പെൻഷനടൊപ്പം മെയ്മാസത്തേതു കൂടി നൽകുന്നു എന്നാണ്. ഇത് വോട്ടർമാരെ സ്വാധീനിക്കാനാണ് എന്നും പ്രതിപക്ഷ നേതാവ് പറഞ്ഞു. ഉത്തരവാദിത്വപ്പെട്ട സ്ഥാനത്തിരുന്ന് ഉത്തരവാദിത്വപ്പെട്ട കേന്ദ്രത്തിലേക്ക് പരാതി അയക്കുമ്പോൾ വസ്തുതാപരമായിരിക്കണ്ടേ എന്നും പിണറായി വിജയൻ ചോദിച്ചു.സംസ്ഥാന സർക്കാർ മെയ്മാസത്തിലേത് മുൻകൂറായി നൽകുന്നില്ല. മാർച്ചും ഏപ്രിലും കൂടിയാണ് നൽകുന്നതെന്ന് മുഖ്യമന്ത്രി അറിയിച്ചു.

“ഫെബ്രുവരി എട്ടിന് തിരഞ്ഞെടുപ്പ് സംബന്ധിച്ച് സൂചനപോലും വരാത്ത സമയത്താണ് ഏപ്രിൽ മാസത്തെ പെൻഷൻ ഏപ്രിൽ 14 നു മുമ്പ് വിതരണം ചെയ്യണമെന്ന ഉത്തരവിറക്കിയത്. വിശേഷ ദിവസങ്ങളിൽ സാമൂഹിക ക്ഷേമ പെൻഷനും ശമ്പളവും നേരത്തെ തന്നെ വിതരണം ചെയ്യുന്ന രീതിയുണ്ട്. ഈ രീതി ഇതുവരെ പ്രതിപക്ഷ നേതാവ് കണ്ടിട്ടില്ലെ…?”മുഖ്യമന്ത്രി ചോദിച്ചു.

വിഷു കിറ്റ് വിതരണത്തിനെതിരേ ചെന്നിത്തല ഉന്നയിച്ച ആക്ഷേപത്തിനും മുഖ്യമന്ത്രി മറുപടി പറഞ്ഞു:
“കോവിഡ് കാലത്ത് ദുരിതമനുഭവിച്ച സമയത്താണ് ഭക്ഷ്യക്കിറ്റ് നൽകിത്തുടങ്ങിയത്. ഭക്ഷ്യ കിറ്റെന്നത് പുതിയ കാര്യമല്ല. മാസങ്ങളായി നൽകുന്നതാണ്…” മുഖ്യമന്ത്രി വിശദീകരിച്ചു.2020ലെ ഓണം ഓഗസ്റ്റ് മാസം 31 നായിരുന്നു. ഭക്ഷ്യ കിറ്റ് വിതരണം തുടങ്ങിയത് ആഗസ്റ്റ് 11നാണ്. ഓണത്തിന് കിറ്റ് കൊടുത്തില്ല എന്ന് ആരോപിക്കുന്നവർക്കാണ് മറുപടി എന്നും മുഖ്യമന്ത്രി പറഞ്ഞു.

“ഇതൊന്നും തിരഞ്ഞെടുപ്പുമായി ബന്ധമില്ലാത്തതാണ്. കുട്ടികൾക്ക് ഉച്ചക്കഞ്ഞിയുടെ ഭാഗമായുള്ള അരിയാണ് നൽകുന്നത്. ആദ്യ ഘട്ടം നേരത്തെ നൽകി. ഫെബ്രുവരി 20ന് തന്നെ പുതുക്കിയ ഉത്തവ് പുറത്തിറക്കിയിരുന്നു. മാർച്ച് മാസത്തിൽ തന്നെ പൂർത്തിയാക്കാനായിരുന്നു തീരുമാനം. നേരത്തെ തീരുമാനിച്ച കാര്യം എങ്ങനെയാണ് തിരഞ്ഞെടുപ്പ് ചട്ട ലംഗനമാകുന്നത്…” മുഖ്യമന്ത്രി ചോദിച്ചു.

പ്രതിപക്ഷ നേതാവ് പറയുന്നത് പോലെ ജനങ്ങൾക്കുള്ള സൗജന്യമല്ല, ജനങ്ങളുടെ അവകാശമാണ് അതെന്നും മുഖ്യമന്ത്രി പറഞ്ഞു. വസ്തതുകൾ എന്തെന്ന് മനസ്സിലാക്കി തിരഞ്ഞെടുപ്പ് കമ്മീഷൻ തീരുമാനമെടുക്കണമെന്നും അദ്ദേഹം അഭ്യർഥിച്ചു.

കോവിഡുമായ ബന്ധപ്പെട്ട ചില കണക്കുകളും മുഖ്യമന്ത്രി വിശദീകരിച്ചു.”സംസ്ഥാനത്ത് നടത്തിയ പഠനത്തിന്റെ ഭാഗമായി കേരളത്തിൽ 10.76 ആളുകൾക്ക് മാത്രമാണ് കേരളത്തിൽ കോവിഡ് വന്നത്. ഏകദേശം 90 ശമാനം ആളുകളെ കോവിഡ് ഇതുവരെ ബാധിച്ചിട്ടില്ല. പ്രതിരോധ സംവിധാനം ഫലപ്രദമായതുകൊണ്ടാണ് രോഗവ്യാപനം കുറഞ്ഞത്. അതേസമയം രോഗം പിടിപെടാത്ത ഒരുപാടാളുകൾ ഉള്ളതുകൊണ്ട് തന്നെ രോഗവ്യാപനത്തിനുള്ള സാധ്യത ശക്തമായി നിലനിൽക്കുന്നുണ്ട്.

റൈറ്റ് ടു ഫുഡ് പ്രോഗ്രാം ഹംഗർ വാച്ച് പഠനം നടത്തിയതിൽ ഇന്ത്യയിലെ 11 സംസ്ഥാനങ്ങളിൽ 21 ശതമാനം ആദ്യമായി പട്ടിണിയറിഞ്ഞത് കോവിഡ് കാലത്താണ്. 57 ശതമാനം ആളുകൾക്ക് ഭക്ഷണത്തിന്റെ അളവ് കാര്യമായി കുറക്കേണ്ടി വന്നു. വന്നു.”

എല്ലാ കാര്യങ്ങളും വിവാദമായതു കൊണ്ടാണ് ഇവയൊക്കെ പറയുന്നതെന്നും പിണരായി വിജയൻ പറഞ്ഞു.”1034 കമ്മ്യൂണിറ്റി കിച്ചണാണ് കോവിഡിന്റെ ആദ്യകാലത്ത് കേരളത്തിൽ ആരംഭിച്ചത്. അവയിലൂടെ നേരിട്ടും പൊതികളിലാക്കിയും ഭക്ഷണം വീടുകളിലെത്തിക്കുകയായിരുന്നു. എ.പി.എൽ ബി.പി.എൽ ഭേദമില്ലാതെ ഭക്ഷ്യ കിറ്റ് സൗജന്യമായി എത്തിച്ചു. സ്കൂളുകൾ അടച്ചിട്ടതു കൊണ്ടാണ് അർഹമായ ഭക്ഷണം കുട്ടികൾക്ക് എത്തിക്കുന്നത്. അങ്കണവാടി അടച്ചിട്ടിട്ടും കുട്ടികൾക്ക് ഭക്ഷണമെത്തിച്ചു. തൊഴിൽ നഷടപ്പെട്ട സാഹചര്യത്തിൽ സാധാരണഗതിയിൽ സർക്കാർ ചെയ്ത സഹായമാണത്. ഇതൊന്നും മേൻമയായല്ല കാണേണ്ടത്. സർക്കാരിന്റെ ഉത്തരവാദിത്വമാണ്. ജനങ്ങൾക്ക് ഇത്തരം കാര്യങ്ങൾ നൽകുന്നത് സൗജന്യമല്ല. അതവരുടെ അവകാശമാണ്. ഇത്തരത്തിലുള്ള ഇടപെടലുകൾ തുടരേണ്ടത് തന്നെയാണ്. ഇതിന് ഇടങ്കോലിടാനാണ് പ്രതിപക്ഷം ചെയ്യുന്നത്…”മുഖ്യമന്ത്രി കൂട്ടിച്ചേർത്തു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker