ബംഗളൂരുവിൽ വാഹനാപകടം; മലയാളി ഡോക്ടർ ഉൾപ്പടെ രണ്ട് പേർ മരിച്ചു

തിങ്കളാഴ്ച പുലര്‍ച്ചെ 1.40ന് ജാലഹള്ളി എച്ച്‌എംടി റോഡില്‍ ജല്‍ വായു അപ്പാര്‍ട്ട്‌മെന്റിന് സമീപമാണ് അപകടമുണ്ടായത്. ഇവര്‍ സഞ്ചരിച്ചിരുന്ന ബൈക്ക് നിയന്ത്രണം വിട്ട് നടപ്പാതയിലേക്ക് ഇടിച്ചു കയറുകയായിരുന്നു. തുടര്‍ന്ന് സമീപമുണ്ടായിരുന്ന ചെറു മരത്തിലിടിച്ച ശേഷം റോഡിലേക്ക് വീണു.റോഡില്‍ തലയടിച്ച്‌ ഇരുവരും തല്‍ക്ഷണം മരിക്കുകയായിരുന്നു.

ബെംഗളൂരു എച്ച്‌.എസ്.ആര്‍. ലേഔട്ടിലെ സ്വകാര്യ ഡെന്റല്‍ ക്ലിനിക്കിലെ ഡോക്ടറാണ് ജിബിന്‍. മാറത്തഹള്ളി ബാഗ്മനെ ടെക്പാര്‍ക്കിലെ ഐ.ടി. കമ്ബനിയില്‍ സോഫ്റ്റ് വെയർ എന്‍ജിനിയറാണ് കരണ്‍.രണ്ടുപേരും ജാലഹള്ളിയിലെ അപ്പാര്‍ട്ട്‌മെന്റില്‍ ഒന്നിച്ചായിരുന്നു താമസം.