Crime
-
അബുദാബിയില്നിന്ന് കരിപ്പൂരിലിറങ്ങിയത് 9 കോടിയുടെ ഹൈബ്രിഡ് കഞ്ചാവുമായി, നാടകീയമായി മുങ്ങല്; ‘സേകാര്’ചെയ്യാനെത്തിയവര് പിടിയില്
മലപ്പുറം: കരിപ്പൂര് വിമാനത്താവളത്തില്നിന്ന് ഒമ്പത് കോടിയുടെ ഹൈബ്രിഡ് കഞ്ചാവ് പിടികൂടി പോലീസ്. അബുദാബിയില് നിന്ന് കടത്തിക്കൊണ്ടുവന്ന 18 കിലോ ഹൈബ്രിഡ് കഞ്ചാവാണ് കരിപ്പൂര് വിമാനത്താവളത്തില്വെച്ച് തിങ്കളാഴ്ച രാത്രി പോലീസ് പിടിച്ചെടുത്തത്. സംഭവത്തില് കണ്ണൂര് മട്ടന്നൂര് സ്വദേശികളായ രണ്ടുപേരെ പോലീസ് അറസ്റ്റ് ചെയ്തു. കണ്ണൂര് മട്ടന്നൂര് ഇടവേലിക്കല് കുഞ്ഞിപറമ്പത്ത് വീട്ടില് പ്രന്റിജില് (35), തലശ്ശേരി പെരുന്താറ്റില് ഹിമം വീട്ടില് റോഷന് ആര്. ബാബു (33) എന്നിവരെയാണ് പോലീസ് അറസ്റ്റ് ചെയ്തത്. തിങ്കളാഴ്ച രാത്രി എട്ടുമണിക്ക് അബുദാബിയില് നിന്ന് കരിപ്പൂര് വിമാനത്താവളത്തിലിറങ്ങിയ ഇത്തിഹാദ് എയര്വേയ്സിന്റെ വിമാനത്തില് വന്ന യാത്രക്കാരനാണ് വലിയ ഒരു ട്രോളി ബാഗ് നിറയെ ഹൈബ്രിഡ് കഞ്ചാവുമായി എത്തിയത്. 14 വാക്വം പായ്കറ്റുകളിലായിട്ടായിരുന്നു 18 കിലോ ഹൈബ്രിഡ് കഞ്ചാവ് ട്രോളിബാഗില് അടുക്കി വെച്ചിരുന്നത്. ഇയാളില് നിന്ന് കഞ്ചാവ് ഏറ്റുവാങ്ങാന് വിമാനത്താവളത്തിലെത്തി കാത്തുനില്ക്കുകയായിരുന്ന കണ്ണൂര് മട്ടന്നൂര് സ്വദേശികളായ റോഷനും റിജിലും. ഇവരാണ് ആദ്യം പോലീസിന്റെ പിടിയിലായത്. സംശയാസ്പദമായ സാഹചര്യത്തില് കണ്ട് യുവാക്കളോട് ചോദിച്ചപ്പോള്, വെറുതെ…
Read More » -
വിവാഹമോചനക്കേസ് കോടതിയില്; പത്തുവയസുകാരനെ കൊന്ന് സ്യൂട്ട്കേസിലാക്കി വഴയില്ത്തള്ളി; അമ്മയും കാമുകനും പിടിയില്
ഗുവാഹത്തി: അസമില് അമ്മയും കാമുകനും ചേര്ന്ന് പത്തു വയസുകാരനെ കൊന്ന് സ്യൂട്കേസിലാക്കി വഴിയിലുപേക്ഷിച്ചു. ദിസ്പുര് നവോദയ ജാതിയ വിദ്യാലയത്തിലെ അഞ്ചാം ക്ലാസ് വിദ്യാര്ഥി മൃണ്മോയ് ബര്മനാണ് കൊല്ലപ്പെട്ടത്. ബാസിഷ്ഠ ക്ഷേത്രത്തിന് സമീപത്തുള്ള റോഡിലില് നിന്നാണ് മൃതദേഹം കണ്ടെത്തിയത്. ട്യൂഷന് കഴിഞ്ഞ് കുട്ടി വീട്ടിലേക്ക് തിരിച്ചെത്തിയിട്ടില്ലെന്ന് അമ്മ പൊലീസ് പരാതി നല്കി. ഇവരുടെ മൊഴിയില് സംശയം തോന്നിയ പൊലീസ് അന്വേഷണം കൂടുതല് ശക്തമാക്കി. വനംവകുപ്പ് ഓഫീസിന് സമീപമുള്ള വിജനമായ റോഡിലാണ് മൃതദേഹം കണ്ടെത്തിയത്. ക്ലിനിക്കില് ജോലി ചെയ്തിരുന്ന ദീപാലി തന്റെ മകന് കാണാതായതായി അവകാശപ്പെടുകയും പൊലീസില് പരാതി നല്കുകയും ചെയ്തിരുന്നു. എന്നാല് ഇവരുടെ മൊഴികളിലെ പൊരുത്തക്കേടുകള് പൊലീസില് സംശയം ജനിപ്പിച്ചു. ദീപാവലിയുടെ ഭര്ത്താവ് രണ്ട് മാസം മുമ്പ് വിവാഹമോചനത്തിന് അപേക്ഷ നല്കിയിരുന്നതായി പൊലീസ് കണ്ടെത്തി. യുവതി ജ്യോതിമോയ് ഹലോയി എന്ന യുവാവുമായി പ്രണയത്തിലായിരുന്നുവെന്നും കണ്ടെത്തുകയായിരുന്നു. പ്രതികള് രണ്ടു പേരും കുട്ടിയെ കൊല്ലാന് ഗൂഢാലോചന നടത്തിയെന്നും പൊലീസ് അന്വേഷണത്തില് കണ്ടെത്തി. കുറ്റകൃത്യം നടന്ന സ്ഥലത്തു…
Read More » -
ലൈംഗികാതിക്രമം, പ്രകൃതിവിരുദ്ധ പീഡനം: ഏറ്റവും കൂടുതല് പോക്സോ കേസുകള് മലപ്പുറത്ത്; മുന്നിലാവാന് കാരണം ഇതാണ്
മലപ്പുറം: സംസ്ഥാനത്ത് ഈ വര്ഷം മാര്ച്ച് വരെയുള്ള കണക്ക് പ്രകാരം ഏറ്റവും കൂടുതല് പോക്സോ കേസുകള് രജിസ്റ്റര് ചെയ്ത ജില്ലയായി മലപ്പുറം. 117 കേസുകളാണ് റിപ്പോര്ട്ട് ചെയ്യപ്പെട്ടതെന്നാണ് സ്റ്റേറ്റ് ക്രൈം റെക്കോര്ഡ്സ് ബ്യൂറോയുടെ കണക്കുകള് സൂചിപ്പിക്കുന്നത്. 51 കേസുകള് റിപ്പോര്ട്ട് ചെയ്യപ്പെട്ട ഇടുക്കി ജില്ലയിലാണ് ഏറ്റവും കുറവ് കേസുകള്. കഴിഞ്ഞ വര്ഷം 504 കേസുകളാണ് ജില്ലയില് റിപ്പോര്ട്ട് ചെയ്തത്. 2023, 2022, 2021 വര്ഷങ്ങളില് കേസുകളുടെ എണ്ണം യഥാക്രമം 499, 526, 462 എന്നിങ്ങനെയായിരുന്നു. അയല്വാസികളില്നിന്നും ബന്ധുക്കളില്നിന്നും നേരിടുന്ന അതിക്രമം, പ്രണയ ബന്ധങ്ങളില് അകപ്പെട്ട് സംഭവിക്കുന്ന ലൈംഗികാതിക്രമം, പ്രകൃതി വിരുദ്ധ പീഡനം എന്നിവയാണ് കൂടുതലായി റിപ്പോര്ട്ട് ചെയ്യപ്പെടുന്നത്. മറ്റ് ജില്ലകളുമായി താരതമ്യം ചെയ്യുമ്പോള് കൂടുതല് ജനസംഖ്യയുള്ളത് മലപ്പുറത്തായതിനാലാണ് കേസുകളുടെ എണ്ണത്തില് മുന്നിലാവാന് കാരണമെന്ന് അധികൃതര് പറയുന്നു. പോക്സോ കേസുകളെ സംബന്ധിച്ച് കുട്ടികളിലും രക്ഷിതാക്കളിലും അവബോധം വര്ദ്ധിച്ചത് കാരണം കേസ് നല്കാന് മടിക്കുന്ന പ്രവണതയില് കുറവ് വന്നിട്ടുണ്ട്. പോക്സോ കേസുകളിലെ വിചാരണ നീണ്ടുപോകുന്നത്…
Read More » -
പത്മനാഭസ്വാമി ക്ഷേത്രത്തിലെ സ്വര്ണം കാണാതായ സംഭവം; അന്വേഷണം ജീവനക്കാരിലേക്ക്
തിരുവനന്തപുരം: പത്മനാഭസ്വാമി ക്ഷേത്രത്തിലെ സ്വര്ണം കാണാതായ സംഭവത്തില് അന്വേഷണം ജീവനക്കാരിലേക്ക്. സ്ട്രോങ് റൂമില് സൂക്ഷിച്ചിരുന്ന 13 പവന് സ്വര്ണം മണലില് നിന്നാണ് കണ്ടെത്തിയത്. പൊലീസും ബോംബ് സ്ക്വാഡും നടത്തിയ പരിശോധനയിലാണ് മണലില് നിന്നു സ്വര്ണം കണ്ടെത്തിയത്. സംഭവത്തില് സംശയിക്കുന്ന 8 ജീവനക്കാരെ ഫോര്ട്ട് പൊലീസ് ഇന്നലെ ചോദ്യം ചെയ്തിരുന്നു. ഇന്ന് വീണ്ടും ഹാജരാകാന് ആവശ്യപ്പെട്ടിട്ടുണ്ട്. സ്വര്ണം മണലില് കുഴിച്ചിടാനുള്ള കാരണമെന്തെന്നു വ്യക്തമായാല് പൊലീസ് തുടര് നടപടികളിലേക്ക് നീങ്ങും. പത്മനാഭസ്വാമി ക്ഷേത്രത്തിലെ സ്ട്രോംഗ് റൂമിന് മുന്നില് ക്യാമറ നിശ്ചലം; സുരക്ഷാ സംവിധാനങ്ങളില് കടുത്ത അലംഭാവം വ്യാഴാഴ്ചയാണ് 107 ഗ്രാം സ്വര്ണത്തകിട് മോഷണം പോയത്. ശ്രീകോവിലില് സ്വര്ണം പൂശാനായി സൂക്ഷിച്ചിരുന്ന 13 പവന് സ്വര്ണമാണ് മോഷ്ടിക്കപ്പെട്ടത്. ലോക്കറിലാണ് സ്വര്ണം സൂക്ഷിച്ചിരുന്നത്. ഉദ്യോഗസ്ഥരുടെ സാന്നിദ്ധ്യത്തിലാണ് സ്വര്ണം തൂക്കി നല്കുകയും തിരികെ വയ്ക്കുകയുംചെയ്യുന്നത്.
Read More » -
വിവാഹപ്പിറ്റേന്ന് ഭര്ത്താവിനെ നടുറോഡിലാക്കി യുവതി കാമുകനൊപ്പം പോയി; സംഭവം പരപ്പനങ്ങാടിയില്
മലപ്പുറം: വിവാഹപ്പിറ്റേന്ന് ഭര്ത്താവിന്റെ കാറില് നിന്നിറങ്ങി കാമുകനൊപ്പംപോയ യുവതിയെ കണ്ടെത്തി. ഉള്ളണം മുണ്ടിയന്കാവ് സ്വദേശിയായ യുവതിയുടെ വിവാഹം വ്യാഴാഴ്ചയാണ് കഴിഞ്ഞത്. ഇരുപത്തിനാലുകാരിയായ യുവതിയും ഭര്ത്താവും ഉള്ളണത്തെ യുവതിയുടെ വീട്ടില് വെള്ളിയാഴ്ച വിരുന്നിനെത്തിയതായിരുന്നു. വിരുന്നിനുശേഷം ഭര്ത്താവിന്റെ വീട്ടിലേക്കുപോകുന്നവഴി പുത്തരിക്കലിലെ സ്വകാര്യ ആശുപത്രിക്ക് സമീപം സുഹൃത്തിനെ കാണണമെന്നാവശ്യപ്പെട്ട് യുവതി വാഹനം നിറുത്തിക്കുകയും വണ്ടിയില്നിന്നിറങ്ങി കാമുകനൊപ്പം പോവുകയുമായിരുന്നു. ഭര്ത്താവ് നല്കിയ പരാതിയില് യുവതിയെ വെള്ളിയാഴ്ച താനൂരിലുള്ള കാമുകന്റെ വീട്ടില്നിന്നാണ് കണ്ടെത്തിയത്. കോടതിയില് ഹാജരാക്കിയ യുവതി സ്വന്തം ഇഷ്ടപ്രകാരം കാമുകന്റെ കൂടെ പോകുകയാണെന്നറിയിച്ചതിനെത്തുടര്ന്ന് കാമുകന്റെ കൂടെ വിട്ടയച്ചതായി പരപ്പനങ്ങാടി സിഐ വിനോദ് വലിയാട്ടൂര് പറഞ്ഞു.
Read More » -
വ്യാപാരികളായ ദമ്പതികളെ ചുറ്റികകൊണ്ട് കൊലപ്പെടുത്തി കവര്ച്ച: അതിഥിത്തൊഴിലാളി അറസ്റ്റില്
ചെന്നൈ: സേലം ജഗീരമ്മ പാളയത്തു വ്യാപാരികളായ ദമ്പതികളെ ചുറ്റികകൊണ്ട് അടിച്ചു കൊലപ്പെടുത്തി ആഭരണങ്ങള് കവര്ന്ന കേസിലെ പ്രതിയെ അറസ്റ്റ് ചെയ്തു. ജഗീരമ്മ പാളയം സ്വദേശികളായ ഭാസ്കരന് (70), ഭാര്യ ദിവ്യ (65) എന്നിവരെ കൊലപ്പെടുത്തിയ കേസിലാണ് അതിഥിത്തൊഴിലാളി ബിഹാര് സ്വദേശി സുനില് കുമാറിനെ (36) ശൂരമംഗലം പൊലീസ് അറസ്റ്റ് ചെയ്തത്. 11ന് രാവിലെയായിരുന്നു സംഭവം. കടയില് സാധനം വാങ്ങാനെന്ന വ്യാജേന എത്തിയ സുനില്കുമാര് കയ്യിലുണ്ടായിരുന്ന ചുറ്റികകൊണ്ട് ദിവ്യയുടെ തലയ്ക്കടിച്ചു. ദിവ്യയുടെ നിലവിളികേട്ട് എത്തിയ ഭാസ്കരനെയും തലയ്ക്കടിച്ചു വീഴ്ത്തി. ഇരുവരും മരിക്കുന്നതു വരെ സുനില്കുമാര് ഇവരുടെ തലയില് ചുറ്റികകൊണ്ട് അടിച്ചതായി പൊലീസ് പറഞ്ഞു. ദിവ്യയുടെ ശരീരത്തിലുണ്ടായിരുന്ന സ്വര്ണമാല, വള, കമ്മല് എന്നിവ കവര്ന്നു. കടയോടു ചേര്ന്നുള്ള വീടു കുത്തിത്തുറന്ന് അവിടെയുണ്ടായിരുന്ന ആഭരണങ്ങളും കവര്ന്നു. കടയില് സാധനം വാങ്ങാനെത്തിയവരാണു ഭാസ്കരന്റെയും ദിവ്യയുടെയും മൃതദേഹം കണ്ടത്. ശൂരമംഗലം പൊലീസ് അതിഥിത്തൊഴിലാളികള് താമസിക്കുന്ന ക്യാംപിലെത്തി ചോദ്യംചെയ്തപ്പോഴാണു പ്രതിയെക്കുറിച്ചു സൂചന ലഭിച്ചത്. അതിഥിത്തൊഴിലാളികളുടെ മറ്റൊരു ക്യാംപില് നിന്നാണു സുനില്കുമാറിനെ…
Read More » -
സിഐടിയു പ്രവര്ത്തകനെ വെട്ടിക്കൊന്ന കേസില് ആറ് പോപ്പുലര് ഫ്രണ്ട് പ്രവര്ത്തകര്ക്ക് ഇരട്ട ജീവപര്യന്തം; 13ലക്ഷം പിഴ
തൃശൂര്: സിഐടിയു പ്രവര്ത്തകനായ കാളത്തോട് നാച്ചു എന്ന ഷമീറിനെ വെട്ടിക്കൊന്ന കേസിലെ പ്രതികളായ ആറ് പോപ്പുലര് ഫ്രണ്ട് പ്രവര്ത്തകര്ക്ക് ഇരട്ട ജീവപര്യന്തവും 13ലക്ഷം രൂപ പിഴയും ശിക്ഷ. ഒന്നു മുതല് മൂന്നുവരെയുള്ള പ്രതികള്ക്ക് അഞ്ചുവര്ഷം അധികശിക്ഷയും വിധിച്ചു. തൃശൂര് ഒന്നാംക്ലാസ് അഡി. സെഷന്സ് കോടതി ജഡ്ജ് ടികെ മിനിമോളാണ് ശിക്ഷ വിധിച്ചത്. കാളത്തോട് നിവാസികളായ ഷാജഹാന്, ഷബീര്, അമല് സാലിഹ്, ഷിഹാസ്, നവാസ്, ഷംസുദ്ദീന് എന്നിവര് കേസില് കുറ്റക്കാരാണെന്ന് കോടതി നേരത്തെ കണ്ടെത്തിയിരുന്നു. 2022 ഒക്ടോബര് 21 നായിരുന്നു സംഭവം. കാളത്തോട് മുസ്ലിം പള്ളിയുടെ മുന്വശത്തുള്ള പാര്പ്പിടം റോഡിലൂടെ ഗുഡ്സ് ഓട്ടോയുമായി വരികയായിരുന്ന ഷമീറിനെ പ്രതികള് വാഹനം തടഞ്ഞ് വാളുകൊണ്ട് വെട്ടിയും ഇരുമ്പുപെപ്പ് കൊണ്ട് അടിച്ചും കൊലപ്പെടുത്തിയെന്നാണ് കേസ്. സാക്ഷികളെ പ്രതികള് പലവട്ടം ഭീഷണിപ്പെടുത്തിയതോടെ ഹൈക്കോടതി പ്രത്യേക ഇടപെടല് നടത്തിയാണ് കേസ് വിചാരണ പൂര്ത്തിയാക്കിയത്. വിറ്റ്നസ് പ്രൊട്ടക്ഷന് കാറ്റഗറിയില്പ്പെടുത്തി സാക്ഷികള്ക്ക് പൊലിസ് സുരക്ഷയും ഹൈക്കോടതി അനുവദിച്ചിരുന്നു. 68 ഓളം സാക്ഷികളെ കേസില്…
Read More » -
നന്തന്കോട് കൂട്ടക്കൊലപാതകം: കേഡല് ജീന്സണ് കുറ്റക്കാരന്, ശിക്ഷയില് വാദം നാളെ
തിരുവനന്തപുരം: കേരളത്തെ ഞെട്ടിച്ച നന്തന്കോട് കൂട്ടക്കൊലക്കേസിലെ കേഡല് ജീന്സണ് കുറ്റക്കാരന്. തിരുവനന്തപുരം ആറാം അഡീഷണല് സെഷന്സ് കോടതിയാണ് വിധി പറഞ്ഞത്. ഏക പ്രതി കേഡല് ജെന്സന് രാജ, മാതാപിതാക്കളെയും സഹോദരിയെയും ബന്ധുവായ സ്ത്രീയെയും കൊലപ്പെടുത്തി എന്നാണ് കേസ്. തിരുവനന്തപുരം ആറാം അഡിഷണല് സെഷന്സ് കോടതിയാണ് കേഡലിനെ കുറ്റക്കാരന് ആണെന്ന് കണ്ടെത്തിയത്. ശിക്ഷ വിധിക്കുന്നതില് വാദം നാളെ(ചൊവ്വാഴ്ച)യാണ്. 2017 ഏപ്രില് ഒമ്പതിനാണ് ക്ലിഫ് ഹൗസിന് സമീപമുള്ള വീട്ടില് അമ്മ ഡോ. ജീന് പത്മ, അച്ഛന് പ്രൊഫ. രാജ് തങ്കം, സഹോദരി കരോലിന്, ബന്ധു ലളിത എന്നിവരെ കേഡല് കൊലപ്പെടുത്തിയത്. മൂന്നുപേരുടെ മൃതദേഹം കത്തിക്കരിഞ്ഞും ഒരാളുടേത് കിടക്കവിരിയില് പൊതിഞ്ഞ നിലയിലുമായിരുന്നു. ആത്മാവിനെ മോചിപ്പിക്കാനുള്ള കേഡലിന്റെ ‘ആസ്ട്രല് പ്രൊജക്ഷനാ’ണ് കൊലപാതകത്തിലേക്ക് നയിച്ചതെന്നായിരുന്നു പോലീസിന്റെ കണ്ടെത്തല്. അതേസമയം, കേഡലിന് മാനസികപ്രശ്നമുണ്ടെന്നായിരുന്നു പ്രതിഭാഗം കോടതിയില് വാദിച്ചു. കൊലപാതകത്തിന് ശേഷം ചെന്നൈയിലേക്ക് പോയ കേഡല് തിരിച്ച് തിരുവനന്തപുരം റെയില്വേ സ്റ്റേഷനില് എത്തിയപ്പോഴാണ് പോലീസ് പിടികൂടിയത്. യാതൊരു ഭാവഭേദവുമില്ലാതെയാണ് കേഡല് തിരികെയെത്തിയത്.…
Read More » -
വയോധികയുടെ തലയ്ക്കടിച്ച് കവര്ച്ച; കൊച്ചുമകളുടെ ഭര്ത്താവ് അടക്കം 3 പേര് അറസ്റ്റില്
കോട്ടയം: ഒറ്റയ്ക്ക് താമസിക്കുന്ന ഗൃഹനാഥയുടെ തലയ്ക്കടിച്ച് രണ്ടര പവന്റെ മാലയും മൊബൈല് ഫോണും പണവും കവര്ന്ന കേസില് കൊച്ചുമകളുടെ ഭര്ത്താവ് അടക്കം മൂന്നു പേരെ തൃക്കൊടിത്താനം പൊലീസ് അറസ്റ്റ് ചെയ്തു. വെള്ളിയാഴ്ച വൈകിട്ട് കോട്ടമുറി ഒറ്റക്കാട് ഭാഗത്ത് തെക്കേതില് വീട്ടില് താമസിക്കുന്ന കുഞ്ഞമ്മയുടെ (78) വീട്ടിലായിരുന്നു ആക്രമണവും മോഷണവും. കുഞ്ഞമ്മയുടെ കൊച്ചുമകളുടെ ഭര്ത്താവായ ഒറ്റക്കാട് പുതുപ്പറമ്പില് അബീഷ് പി.സാജന്, കോട്ടമുറി ചിറയില് വീട്ടില് മോനു അനില്, കോട്ടമുറി അടവിച്ചിറ പുതുപ്പറമ്പില് വീട്ടില് അനില ഗോപി എന്നിവരാണ് അറസ്റ്റിലായത്. അബീഷിനോട് സാമ്പത്തിക സഹായം ചോദിച്ചുചെന്ന മോനുവിനോട് കുഞ്ഞമ്മയുടെ വീട്ടില് മോഷണം നടത്താമെന്ന് അബീഷ് നിര്ദേശിക്കുകയായിരുന്നുവെന്നു പൊലീസ് പറഞ്ഞു. തിരിച്ചറിയുമെന്നതിനാല് അബീഷ് മോഷണത്തിനു പോയില്ല. വീട്ടിലെത്തിയ മോനു കുഞ്ഞമ്മയുടെ തലയില് മുണ്ടിട്ട് ഭീഷണിപ്പെടുത്തി രണ്ടര പവന്റെ മാലയും ഫോണും 10,000 രൂപയും മോഷ്ടിക്കുകയായിരുന്നുവെന്ന് പൊലീസ് പറഞ്ഞു. അബീഷ് മുന്പ് തന്റെ അച്ഛന്റെ മാല വീട്ടുകാരറിയാതെ പണയം വയ്ക്കാന് ശ്രമിച്ച സംഭവവും കേസിന് വഴിത്തിരിവായതായി എസ്എച്ച്ഒ…
Read More » -
15 കാരിയെ തട്ടിക്കൊണ്ടുപോയി വിറ്റസംഭവം: ഗര്ഭിണിയായ പെണ്കുട്ടിയെ പ്രതി ആദ്യം കൈമാറിയത് സ്വന്തം പിതാവിന്
കോഴിക്കോട്: മനുഷ്യക്കടത്തുകേസില് തീവണ്ടിയില്വെച്ച് പോലീസ് കസ്റ്റഡിയില്നിന്ന് രക്ഷപ്പെട്ട പ്രതിയെ നല്ലളം പോലീസ് അസമിലെത്തി വീണ്ടും പിടികൂടി. അസം ഉപലേശ്വര് വില്ലേജിലെ ഭവാനിപുര് സ്വദേശി നസീദുല് ഷെയ്ക്കി(21)നെയാണ് നല്ലളം പോലീസിലെ പ്രത്യേകസംഘം പിടികൂടിയത്. 2023 ഒക്ടോബറില് ബംഗാള് സ്വദേശിയായ പതിനഞ്ചുകാരിയെ കാണാതായതുമായി ബന്ധപ്പെട്ട കേസിലാണ് നസീദുല് ഷെയ്ക്കിനെ അറസ്റ്റുചെയ്തത്. കേസുമായി ബന്ധപ്പെട്ട് കഴിഞ്ഞവര്ഷം മേയില് ഹരിയാണ സ്വദേശി സുഷില്കുമാറി(35)നെ നല്ലളം പോലീസ് അറസ്റ്റുചെയ്തിരുന്നു. സംഭവത്തെക്കുറിച്ച് പോലീസ് പറയുന്നതിങ്ങനെ: 2023-ലാണ് നല്ലളം പോലീസ് സ്റ്റേഷന് പരിധിയില് താമസിക്കുന്ന ബംഗാള് സ്വദേശിനിയായ പെണ്കുട്ടിയെ കാണാതായതായി പരാതിയെത്തുന്നത്. അന്വേഷണത്തില് ശാരദാമന്ദിരത്ത് ജോലിചെയ്തിരുന്ന അസം സ്വദേശിയായ നസീദുല് ഷെയ്ക്ക് പെണ്കുട്ടിയെ പ്രലോഭിപ്പിച്ച് കൊണ്ടുപോയതാണെന്ന് മനസ്സിലായി. തുടര്ന്ന് നല്ലളം പോലീസ് സൈബര്സെല്ലിന്റെ സഹായത്താല് നടത്തിയ അന്വേഷണത്തില് 2024 മേയില് പെണ്കുട്ടിയെ ഹരിയാണയില്നിന്ന് കണ്ടെത്തി. തുടര്ന്ന് പോലീസ് നടത്തിയ അന്വേഷണത്തില് പെണ്കുട്ടിയെ നസീദുല് ഷെയ്ക്ക് തന്റെ പിതാവായ ലാല്സണ് ഷെയ്ക്കിനു കൈമാറുകയും ഇയാള് 25,000 രൂപ വാങ്ങി ഹരിയാണ സ്വദേശിയായ സുഷില്കുമാറിന്…
Read More »