ന്യൂഡൽഹി:ചരിത്ര സ്ഥലങ്ങളെ ബന്ധിപ്പിച്ചുകൊണ്ട്‌ പുതിയ വന്ദേഭാരത് ട്രെയിന്‍ സര്‍വീസ്. ഡല്‍ഹിയില്‍ നിന്നും അജ്മീറിലേക്കാണ് പുതിയ വന്ദേ ഭാരത് ട്രെയിന്‍ സര്‍വീസ് നടത്തുന്നത്.
അജ്മീര്‍ ദര്‍ഗാ ശരീഫ്, ജയ്പൂര്‍ തുടങ്ങി രാജസ്ഥാനിലെ പ്രസിദ്ധമായ സ്ഥലങ്ങളിലേക്ക് യാത്ര ചെയ്യാന്‍ ഉദ്ദേശിക്കുന്നവര്‍ക്ക് ഈ സർവീസ് ഏറെ ഗുണം ചെയ്യും.വ്യാഴാഴ്ച മുതല്‍ ട്രെയിന്‍ സര്‍വീസ് ആരംഭിക്കും. രാജ്യത്തെ 15ാമത് വന്ദേഭാരത് ട്രെയിന്‍ ആണിത്.രാജസ്ഥാനിലേക്കുള്ള ആദ്യത്തേതും.
അഞ്ച് സ്റ്റോപ്പുകൾ മാത്രമാണ് ഈ ട്രെയിനിനുള്ളത്. ഡല്‍ഹി കന്റോണ്‍മെന്റ് സ്‌റ്റേഷന്‍, ഗുരുഗ്രാം, അല്‍വാര്‍, ജയ്പൂര്‍, അജ്മീര്‍ എന്നിവിടങ്ങളില്‍ ട്രെയിന്‍ നിര്‍ത്തും. 5.15 മണിക്കൂര്‍ ആണ് യാത്രയ്ക്ക് വേണ്ടി വരിക.
മിക്ക സംസ്ഥാനങ്ങളെയും ബന്ധിപ്പിച്ച്‌ വന്ദേ ഭാരത് ട്രെയിന്‍ സര്‍വീസുകള്‍ കേന്ദ്ര സര്‍ക്കാര്‍ പ്രഖ്യാപിക്കുന്നുണ്ട്.കേരളത്തിനും വൈകാതെ വന്ദേ ഭാരത് ട്രെയിന്‍ ലഭിക്കുമെന്നാണ് റിപ്പോര്‍ട്ടുകള്‍.
