NEWS

ജാഗ്രത കൈവിടരുത്; ക​ഴി​ഞ്ഞ 11 ദി​വ​സ​ത്തി​നി​ടെ കേ​ര​ള​ത്തി​ല്‍ റി​പ്പോ​ര്‍​ട്ട്​ ചെ​യ്ത​ത്​ 119 കോ​വി​ഡ്​ മ​ര​ണങ്ങൾ

തിരുവനന്തപുരം: കഴി​ഞ്ഞ 11 ദി​വ​സ​ത്തി​നി​ടെ കേ​ര​ള​ത്തി​ല്‍ റി​പ്പോ​ര്‍​ട്ട്​ ചെ​യ്ത​ത്​ 119 കോ​വി​ഡ്​ മ​ര​ണ​ങ്ങ​ൾ.ഇക്കാലയളവിൽ 12,897 പേ​ര്‍​ക്ക്​ രോ​ഗം സ്ഥി​രീ​ക​രി​ച്ചു.ഒ​രാ​ഴ്ച​ത്തെ ശ​രാ​ശ​രി രോ​ഗ സ്ഥി​രീ​ക​ര​ണ നി​ര​ക്ക്​ 8.76 ആ​ണ്.
 
പ​നി​യും ജ​ല​ദോ​ഷ​വും ചു​മ​യു​മാ​യി എ​ത്തു​ന്ന​വ​രെ കോ​വി​ഡ്​ പ​രി​ശോ​ധ​ന​ക്ക്​ ശി​പാ​ര്‍​ശ ചെ​യ്യു​ന്ന​ത് വി​ര​ള​മാ​യതാണ് മ​ര​ണ​ങ്ങ​ള്‍ വ​ര്‍​ധി​ക്കാ​നും കോ​വി​ഡ്​ വ്യാ​പ​ക​മാ​കാ​നും​ കാ​ര​ണ​മെ​ന്നാ​ണ്​ ആ​രോ​ഗ്യ​വി​ദ​ഗ്​​ധ​ര്‍ ചൂ​ണ്ടി​ക്കാ​ട്ടു​ന്ന​ത്.
 
 
കോവിഡ് മാറിയെന്ന ചിന്തയില്‍ പലരും ബൂസ്റ്റര്‍ ഡോസ് വാക്‌സിനെടുക്കാന്‍ തയാറാകുന്നില്ലെന്നാണ് റിപ്പോര്‍ട്ട്. എന്നാല്‍ വാക്സിന്‍ വിവരങ്ങള്‍ അറിയുന്നില്ലെന്നും പലതവണ ആരോഗ്യകേന്ദ്രങ്ങളിലെത്തി മടങ്ങേണ്ടി വരികയാണെന്നും മറുവശത്ത് ആരോപണമുയരുന്നു. ബൂസ്റ്റര്‍ ഡോസ് സ്വീകരിക്കാത്തവരില്‍ കൂടുതല്‍ 18 -നും 44 -നും ഇടയില്‍ പ്രായമുള്ളവരാണ്.
 
 
ഒന്നും രണ്ടും ഡോസുകള്‍ എടുത്തതു പോലെ ഏതൊക്കെ കേന്ദ്രങ്ങളില്‍ വാക്സിന്‍ ലഭ്യമാണെന്നത് കോവിന്‍ സൈറ്റില്‍ ഇല്ലാത്തത് ആളുകളെ കുഴക്കുന്നുണ്ട്. പി.എച്ച്‌.സികളില്‍ പല തവണ എത്തി മടങ്ങിയവരുമുണ്ട്. തദ്ദേശ സ്ഥാപനങ്ങള്‍ക്ക് കീഴില്‍ കൃത്യമായ ഏകോപനമില്ലാത്തതും തിരിച്ചടിയാവുന്നു. സൗജന്യവിതരണം സെപ്റ്റംബര്‍ 30 -ന് അവസാനിക്കാനിരിക്കെ വാക്സിന്‍ ലഭിക്കില്ലേയെന്ന ആശങ്കയും പലരിലുമുണ്ട്.
 
 

Back to top button
error: