KeralaNEWS

മുങ്ങിമരണങ്ങൾ തുടർക്കഥകളാകുന്നു, വീടിനുസമീപത്തെ കുളത്തിൽവീണ് നാലുവയസ്സുകാരൻ മരിച്ചു; ഒന്നരവയസ്സുകാരി സഹോദരി ഗുരുതരാവസ്ഥയിൽ

കോഴിക്കോട്: വീട്ടുവളപ്പിലെ കുളത്തിൽ വീണ് മെഡിക്കൽ കോളജ് ആശുപത്രിയിൽ ഗുരുതരാവസ്ഥയിൽ ചികിത്സയിൽ കഴിയുകയായിരുന്ന നാലുവയസ്സുകാരൻ മരിച്ചു. പൊൻമള പറങ്കിമൂച്ചിക്കൽ കുറുപ്പുംപടി ഫക്കീർ മുഹമ്മദിന്റെയും സുൽഫത്തിന്റെയും മകൻ മുഹമ്മദ് ഹമീം (4) ആണ് ബുധനാഴ്ച പുലർച്ചെ മരിച്ചത്.

കൂടെ കുളത്തിൽവീണ സഹോദരിയായ ഒന്നരവയസ്സുകാരി ഫാത്തിമ മെഹറ അതീവ ഗുരുതരാവസ്ഥയിൽ ചികിത്സയിലാണ്. ചെവ്വാഴ്ച രാവിലെ വീടിനു പിറകുവശത്തുള്ള കുളത്തിൽ കുട്ടികൾ അബദ്ധത്തിൽ വീഴുകയായിരുന്നു. മുഹമ്മദ് മുഖ്സിൽ അമീൻ, ആയിശത്തുൽ മെഹ്റ എന്നിവരാണ് ദമ്പതിമാരുടെ മറ്റു മക്കൾ.

Back to top button
error: