സ്റ്റാർ ഫ്രൂട്ട് അഥവാ ചതുരപ്പുളി

സോഡാപുളി , വൈരപ്പുളി എന്നീ പേരുകളിൽ  അറിയപ്പെടുന്ന ചതുരപ്പുളി കേരളത്തിൽ  സമൃദ്ധമായി വളരുന്ന ഒരു പുളി  വർഗമാണ്. പാവങ്ങളുടെ മുന്തിരി എന്നും ഇതിനു വിളിപ്പേരുണ്ട് . അഞ്ചു അഗ്രഭാഗങ്ങളോട് കൂടി ഏകദേശം ആറിഞ്ചു വലിപ്പത്തിൽ കാണുന്ന ഈ പുളിക്ക് പച്ചയായിരിക്കുമ്പോൾ നല്ല പുളിരസവും പഴുത്താൽ പുളിപ്പ് കലർന്ന മധുരവും ആണ്. ഏറെ പോഷകഗുണങ്ങളുള്ള ചതുരപ്പുളി കൃഷിയിപ്പോള്‍ കേരളത്തിലും വ്യാപകമായി കൊണ്ടിരിക്കുകയാണ്. വിറ്റാമിന്‍ സി, പൊട്ടാസ്യം, ആന്റിഓക്‌സിഡന്റുകള്‍, ഫൈബര്‍ എന്നിവയുടെ കലവറയാണ് ചതുരപ്പുളി. കൂടാതെ കാല്‍സ്യം, ഇരുമ്പ്, ഫോസ്ഫറസ്, മഗ്നീഷ്യം എന്നീ ധാതുലവണങ്ങളും ധാരാളമായി അടങ്ങിയിരിക്കുന്നു. രക്തസമ്മര്‍ദം കുറയ്ക്കാനും രോഗപ്രതിരോധ ശേഷി ലഭിക്കുന്നതിനും ചതുരപ്പുളി കഴിക്കുന്നത് നല്ലതാണ്.