ഈ ലോകം എല്ലാം തികഞ്ഞവർക്ക് വേണ്ടി മാത്രം സൃഷ്ടിച്ചതല്ല;ഇതാ കൺമണിയുടെ കഥ

ജന്മനാ കൈകളില്ലെങ്കിലും മാവേലിക്കര സ്വദേശിനി കണ്‍മണിയ്ക്ക് തന്‍റെ ലക്ഷ്യങ്ങിലേക്ക് എത്താന്‍ അതൊന്നും ഒരു തടസമല്ല. ശാരീരിക പരിമിതികൾ മറികടന്ന് ബിരുദ പരീക്ഷയിൽ ഒന്നാംറാങ്ക് നേടിയിരിക്കുകയാണ് ഈ യുവകലാകാരി. കേരള സർവകലാശാല ബിപിഎ (വോക്കൽ) പരീക്ഷയിലാണ് കണ്‍മണിയുടെ റാങ്ക് നേട്ടം.സംഗീതത്തിൽ സ്വാതി തിരുനാൾ കോളേജിൽ തുടർപഠനം ചെയ്യാൻ ആണ് കണ്മണിയുടെ ആഗ്രഹം. നല്ലൊരു ചിത്രകാരിയും കൂടിയാണ് കണ്മണി.