തിരുവനന്തപുരം: വര്ധിച്ചുവരുന്ന വാഹനാപകടങ്ങളുടെ പശ്ചാത്തലത്തില് പരിശോധനകളും നടപടികളും ശക്തമാക്കാനൊരുങ്ങി മോട്ടോര് വാഹനവകുപ്പ്.ചെറിയ നിയമലംഘനങ്ങള്ക്കുപോലും ഡ്രൈവിങ് ലൈസന്സ് സസ്പെന്ഡ് ചെയ്യുന്നതടക്കം നടപടികളെടുക്കാനാണ് നീക്കം.
ഹെല്മെറ്റ് ധരിക്കാതെ യാത്ര ചെയ്യുക, ഇരുചക്രവാഹനങ്ങളില് ഒരേസമയം മൂന്നുപേര് സഞ്ചരിക്കുക, അമിതവേഗത്തില് വാഹനം ഓടിക്കുക, സിഗ്നല് തെറ്റിച്ചു ഡ്രൈവ് ചെയ്യുക,ഉദ്യോഗസ്ഥര് പരിശോധിക്കാനൊരുങ്ങുമ്ബോള് വാഹനം നിര്ത്താതെ പോവുക, ഡ്രൈവിങ്ങിനിടെ മൊബൈല് ഫോണ് ഉപയോഗിക്കുക, മദ്യപിച്ച് ഡ്രൈവ് ചെയ്യുക തുടങ്ങിയ നിയമലംഘനങ്ങള്ക്കും ലൈസന്സ് മരവിപ്പിക്കുന്നതടക്കമുള്ള കര്ശന നടപടികള് സ്വീകരിക്കാനും നിര്ദ്ദേശമുണ്ട്.
നിലവില് ഇവയ്ക്കെല്ലാം പിഴയീടാക്കുകയാണ് ചെയ്യുന്നത്.ഇതു സംബന്ധിച്ച് എന്ഫോഴ്സ്മെന്റ് ആര്ടിഒമാര്ക്ക് നിര്ദ്ദേശം നല്കിയതായാണ് റിപ്പോര്ട്ട്.