മലപ്പുറം: വിവാഹ ആപ് വഴി അവിവാഹിതകളായ സ്ത്രീകളെ വലയിലാക്കി അവരില്‍നിന്ന് പണവും ആഭരണവും കൈക്കലാക്കുന്ന യുവാവ് പിടിയില്‍.ആലപ്പുഴ അവലുക്കുന്ന് പൂവത്ത് അസറുദ്ദീനെയാണ് (36) കരുവാരകുണ്ട് സ്റ്റേഷന്‍ ഹൗസ് ഓഫിസര്‍ മനോജ് പറയറ്റ അറസ്റ്റ് ചെയ്തത്.
പ്രമുഖ വിവാഹാന്വേഷണ ആപ് വഴി അവിവാഹിതകളായ സ്ത്രീകളെ പരിചയപ്പെട്ട് സൗഹൃദം സ്ഥാപിക്കും.ഇത് മുതലെടുത്ത് ആദ്യം ചെറിയ സാമ്ബത്തിക ഇടപാടുകള്‍ നടത്തി വിശ്വാസമാര്‍ജിക്കുകയും ശേഷം സ്വര്‍ണാഭരണങ്ങള്‍ കൈക്കലാക്കി മുങ്ങുകയും ചെയ്യുന്നതായിരുന്നു ഇയാളുടെ രീതി.കരുവാരക്കുണ്ട് സ്വദേശിനിയായ യുവതിയുടെ പരാതിയിലാണ് അറസ്റ്റ്.
