ന്യൂഡ‍ൽഹി: തട്ടിപ്പ് കേസുമായി ബന്ധപ്പെട്ട് ആം ആദ്മി പാർട്ടി എംഎൽഎ ജസ്‌വന്ത് സിങ് ഗജ്ജൻ മജ്‌രയുടെ സ്ഥാപനങ്ങളിൽ സിബിഐ പരിശോധന. ബാങ്ക് ഇടപാടിൽ 40 കോടി രൂപ തട്ടിച്ചെന്ന കേസിന്റെ അന്വേഷണത്തിന്റെ ഭാഗമായാണ് ഗജ്ജൻ മജ്‌രയുടെ വസതിയിലുൾപ്പെടെ മൂന്നിടങ്ങളിൽ പരിശോധന നടത്തിയത്.
പഞ്ചാബിലെ മലെർകോട്‌ലയിലെ സ്വകാര്യ സ്ഥാപനങ്ങളിലും പരിശോധന നടത്തി. 16.57 ലക്ഷം രൂപ, വിദേശ കറൻസി, നിരവധി രേഖകൾ എന്നിവ പിടിച്ചെടുത്തു. ബാങ്ക് ഓഫ് ബറോഡയുടെ പരാതിയിലാണ് സിബിഐ അന്വേഷണം നടത്തുന്നത്.
