IndiaNEWS

യുപിയില്‍ മുസ്ലിം സ്ത്രീകള്‍ക്കെതിരേ വിദ്വേഷ പ്രസംഗം നടത്തിയ ആള്‍ അറസ്റ്റില്‍

ലഖ്‌നൗ: മുസ്ലീം സ്ത്രീകളെ ബലാത്സംഗം ചെയ്യുമെന്നതുള്‍പ്പെടെ വിദ്വേഷ പ്രസംഗം നടത്തിയ ആള്‍ അറസ്റ്റില്‍. യുപിയിലെ മഹര്‍ഷി ശ്രീ ലക്ഷമണ്‍ ദാസ് ഉദാസിന്‍ ആശ്രമ മേധാവി ബജ്‌റംഗ് മുനി ദാസാണ് അറസ്റ്റിലായത്.

ഏപ്രില്‍ 2ന് ആണ് വിദ്വേഷ പ്രസംഗം നടന്നത്. പോലീസിന്‍റെ സാന്നിധ്യത്തിലായിരുന്നു ഇയാളുടെ പ്രസംഗം. സംഭവത്തില്‍ വനിതാ കമ്മീഷന്‍ ഉള്‍പ്പെടെ രംഗത്തുവരികയും പോലീസിനോട് ഇത്തരം പ്രശ്‌നങ്ങളില്‍ കാഴ്ചക്കാരാകരുതെന്നും നടപടിയെടുക്കണമെന്നും നിര്‍ദേശിക്കുകയായിരുന്നു. ഇതിന് പിന്നാലെയാണ് ഇയാള്‍ക്കെതിരേ കേസെടുത്ത് അറസ്റ്റ് ചെയ്തത്.

വിദ്വേഷ പ്രസംഗത്തിനും പരാമര്‍ശത്തിനുമാണ് പ്രതിക്കെതിരെ കേസെടുത്തത്. വീഡിയോ പ്രചരിച്ചതിന് പിന്നാലെ മാപ്പപേക്ഷയുമായി ബജ്‌റംഗ് രംഗത്തുവന്നിരുന്നു. തന്റെ പ്രസംഗം വളച്ചൊടിക്കുകയായിരുന്നുവെന്നായിരുന്നു ഇയാളുടെ വാദം.

Back to top button
error: