NEWS

ഉത്തരേന്ത്യൻ സ്പെഷൽ സമൂസയും വാളൻപുളി ചട്നിയും ഉണ്ടാക്കാം

ത്തരേന്ത്യക്കാരുടെ ഏറ്റവും ഇഷ്ടപ്പെട്ട ഭക്ഷണമാണ് വെജിറ്റബിൾ സമൂസയും അതിനൊപ്പമുള്ള വാളൻപുളി ചട്നിയും.രുചികരമായ വെജിറ്റബിൾ സമൂസ നമുക്ക് വീട്ടിൽ തന്നെ തയ്യാറാക്കാവുന്നതാണ്.ഒപ്പം മധുരമുള്ള ‘ഉത്തരേന്ത്യൻ സ്പെഷൽ’ വാളൻപുളി ചട്നിയും.ആദ്യം വെജിറ്റബിൾ സമൂസ ഉണ്ടാക്കുന്നതെങ്ങനെയെന്ന് നോക്കാം.

 

സമൂസ

വേണ്ട ചേരുവകൾ… 

മൈദ                                                                                   2 കപ്പ്
ഉരുളക്കിഴങ്ങ്                                                                  4 എണ്ണം
കാബേജ് ചെറുതായി അരിഞ്ഞത്                             1 കപ്പ്
പനീര്‍( വേണം എന്നുള്ളവർക്ക്)                                   50 ഗ്രാം
കാപ്‌സിക്കം                                                                    അര കപ്പ്

ഗ്രീന്‍പീസ്                                                                        1/2 കപ്പ്
പച്ചമുളക്                                                                          3 എണ്ണം
ഗരം മസാല                                                                     1 ടീസ്പൂണ്‍
ഉപ്പ്                                                                                  ആവശ്യത്തിന്
എണ്ണ                                                                               ആവശ്യത്തിന്

തയ്യാറാക്കുന്ന വിധം…

ആദ്യം അരിഞ്ഞ് വച്ചിരിക്കുന്ന കാബേജ് ആവി കയറ്റി വേവിക്കുക. ശേഷം ഉരുളക്കിഴങ്ങും പുഴുങ്ങി തൊലി കളഞ്ഞ് മാറ്റിവയ്ക്കുക. ശേഷം കാപ്‌സിക്കവും വേവിച്ചെടുക്കുക. ശേഷം പനീര്‍ ചെറുതായി അരിയണം. പച്ചമുളകും കഷ്ണങ്ങളായി അരിഞ്ഞു വയ്ക്കുക. ശേഷം ഗ്രീന്‍പീസ് വേവിക്കാൻ വയ്ക്കുക. വെന്ത് കഴിഞ്ഞാൽ ​ഗ്രീൻപീസ് ചെറുതായൊന്ന് ഉടച്ചെടുക്കുക.

 

ശേഷം, വേവിച്ച് വച്ചിരിക്കുന്ന കാബേജ്, ഉരുളക്കിഴങ്ങ്, കാപ്‌സിക്കം, പനീർ, പച്ചമുളക്, ​ഗ്രീൻപീസ് ഇവയെല്ലാം കൂട്ടിച്ചേര്‍ക്കുക. ഈ കൂട്ടിലേക്ക് ഉപ്പ്, ഗരം മസാല എന്നിവ ചേര്‍ത്ത് ഇളക്കുക.

 

മൈദയില്‍ വെള്ളവും ഉപ്പും ചേര്‍ത്ത് കുഴച്ച് മാവ് പരുവത്തിലാക്കി എടുക്കുക. ഈ മാവില്‍ നിന്നും ഒരു ചെറിയ ഭാഗമെടുത്ത് പരത്തി കോണ്‍ ഷേപ്പിലാക്കണം. ഇതിനുള്ളിലേക്ക് പാകത്തിന് മസാല വച്ച് കോണുകള്‍ കൂട്ടിച്ചേര്‍ക്കുക.

 

മാവ് പരത്താനും വശങ്ങള്‍ പൊട്ടിപ്പോകാതെ കൂട്ടിച്ചേര്‍ക്കാനും എണ്ണയോ വെള്ളമോ ഉപയോഗിക്കാം. ഇതേ രീതിയില്‍ എല്ലാ സമൂസകളും തയ്യാറാക്കിയെടുക്കുക. ഒരു ചീനച്ചട്ടിയില്‍ എണ്ണ തിളപ്പിച്ച് സമൂസകള്‍ ഓരോന്നു ഇട്ട് വറുത്തെടുക്കുക. വെജിറ്റബിള്‍ സമൂസ തയ്യാറായി…

 

വാളൻപുളി ചട്നി 

 
വാളൻപുളി കുരുനീക്കിയത്:½ കപ്പ്
വെള്ളം: 1 ¾ കപ്പ്
ജീരകം:½ ടീസ്പൂൺ
കായം:ഒരു നുള്ള്
ഇഞ്ചി പൊടി:½ ടീസ്പൂൺ
മുളകുപൊടി :¼ ടീസ്പൂൺ
ശർക്കര:7 to 8 ടേബിൾസ്പൂൺ
എണ്ണ :1 ടീസ്പൂൺ
ഉപ്പ് :ആവശൃതതിന്
തയ്യാറാക്കുന്ന വിധം
വാളൻപുളി വെളളം ഒഴിച്ച് 4-5മണിക്കൂർ
കുതിർത്താൻ വയ്ക്കുക. പുളിനീര് അരിച്ച് എടുക്കുക. ചെറുതീയിൽ എണ്ണ
ചൂടാക്കിയ ശേഷം ജീരകം പൊട്ടിക്കുക.
ഇഞ്ചി പൊടി,മുളക് പൊടി,കായം എന്നിവ ഇട്ട് ഇളക്കുക.തുടർന്ന് അരിച്ചു വച്ചിരിക്കുന്ന പുളിനീര്  ഒഴിക്കുക  2-3മിനിറ്റിന് ശേഷം ശർക്കരയും ഉപ്പും ചേർത്ത് 4-5 മിനിറ്റ് ചൂടാക്കുക മിശ്രിതം കട്ടിയായി തുടങ്ങുന്ന സമയം തീ നിർത്തി ചട്നി തണുക്കാൻ വയ്ക്കുക.
.

Back to top button
error: