തല്‍ക്കാല്‍ ഉള്‍പ്പെടെയുള്ള ട്രെയിന്‍ ടിക്കറ്റ് ബുക്കിങിന് പ്രത്യേക ആപ്പുമായി റെയില്‍വെ.കണ്‍ഫേം ടിക്കറ്റ് മൊബൈല്‍ ആപ്പ് എന്നുപേരിട്ടിരിക്കുന്ന ആപ്പ് വഴി തല്‍ക്കാല്‍ ഉള്‍പ്പെടെയുള്ള ടിക്കറ്റുകള്‍ ബുക്ക് ചെയ്യാനാണ് സൗകര്യം ഒരുക്കിയിരിക്കുന്നത്.നിശ്ചിത റൂട്ടൂകളിലൂടെ സര്‍വീസ് നടത്തുന്ന എല്ലാട്രെയിനുകളിലെയും തല്‍ക്കാല്‍ ക്വാട്ടയില്‍ ഒഴിവുള്ള സീറ്റുകളുടെ വിശദാംശങ്ങള്‍ ഈ ആപ്പിലൂടെ ലഭിക്കും.
സീറ്റ് ലഭ്യത, ട്രെയിന്‍ സമയം എന്നിവ അറിയാനും ടിക്കറ്റ് റദ്ധാക്കാനും ഇ-ടിക്കറ്റിനുള്ള ടി.ഡി.ആര്‍. ഫയല്‍ ചെയ്യാനും ആപ്പിലൂടെ കഴിയും. കൂടുതല്‍ വിവരങ്ങള്‍ അറിയാന്‍ ട്രെയിനുകളുടെ പേരോ, നമ്ബറോ നല്‍കേണ്ടതില്ലെന്നാണ് പ്രധാന പ്രത്യേകത. ഗൂഗിള്‍ പ്ലേ സ്റ്റോറിൽ നിന്നും ആപ്പ് ഡൗണ്‍ലോഡ് ചെയ്യാം.
