ഇടുക്കി: രാത്രിയില്‍ അപ്രതീക്ഷിതമായി മുല്ലപ്പെരിയാര്‍ ഡാം തുറന്നുവിട്ടതില്‍ പ്രതിഷേധവുമായി ജലവിഭവവകുപ്പ് മന്ത്രി റോഷി അഗസ്റ്റിന്‍. പ്രതിഷേധം തമിഴ്‌നാടിനെയും കേന്ദ്ര ജലകമ്മീഷനെയും മുല്ലപ്പെരിയാർ മേൽനോട്ട സമിതിയെയും അറിയിക്കുമെന്നും മന്ത്രി പറഞ്ഞു.
രാത്രിയിൽ ഡാം തുറക്കുന്നത് ജനങ്ങൾക്ക് ബുദ്ധിമുട്ട് സൃഷ്ടിക്കുമെന്നും അത് രക്ഷാപ്രവർത്തനത്തെ ബാധിക്കുമെന്നും മന്ത്രി പറഞ്ഞു. പകൽസമയം മാത്രമേ ഡാം തുറക്കാവുവെന്നും മന്ത്രി അഭിപ്രായപ്പെട്ടു.
