KeralaNEWS

സാമൂഹിക വിരുദ്ധരുടെ അഴിഞ്ഞാട്ടം; കുട്ടനാട്ടിൽ റോഡരികിലുണ്ടായിരുന്ന വാഹനങ്ങൾ കത്തിച്ചു

ആലപ്പുഴ: വഴിയരികില്‍ പാര്‍ക്ക് ചെയ്തിരുന്ന കാറുകളും ബൈക്കുകളും രാത്രിയില്‍ അജ്ഞാതര്‍ കത്തിച്ചു. ഒരു കാറും ബൈക്കും സ്‌കൂട്ടറും ഉള്‍പ്പെടെ ആറ് വാഹനങ്ങളാണ് കത്തിച്ചത്. കുട്ടനാട്ടിലെ കൈനകരി പഞ്ചായത്തില്‍ ഇന്ന് പുലര്‍ച്ചയോടെയായിരുന്നു സംഭവം.സംഭവത്തില്‍ നെടുമുടി, പുളിങ്കുന്ന് പോലീസ് അന്വേഷണം തുടങ്ങി.

ബൈക്കില്‍ എത്തിയ ഒരു സംഘമാണ് വണ്ടികള്‍ കത്തിച്ചെന്നാണ് നാട്ടുകാര്‍ പറയുന്നത്. പുലര്‍ച്ചെ ബൈക്കുകള്‍ അതിവേഗത്തില്‍ ഓടിച്ചു പോകുന്ന ശബ്ദം പ്രദേശവാസികള്‍ പലരും കേട്ടിരുന്നു. വാഹനങ്ങള്‍ നിര്‍ത്തിയിട്ട സ്ഥലങ്ങളിലെ സ്ട്രീറ്റ് ലൈറ്റ് നശിപ്പിച്ച ശേഷമാണ് ആക്രമണം നടത്തിയത്. കരമാര്‍ഗ്ഗമുള്ള യാത്രാസൗകര്യങ്ങളുടെ അഭാവം മൂലം കുട്ടനാട്ടില്‍ ആളുകള്‍ വ്യാപകമായി റോഡരികില്‍ വണ്ടികള്‍ നിര്‍ത്തിയിടാറുണ്ട്.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker