NEWSWorld

തുര്‍ക്കിയില്‍ കാട്ടുതീ; വൈദ്യുത നിലയവും നഗരവും ഒഴിപ്പിച്ചു

ഇസ്താംബൂള്‍: തുര്‍ക്കിയില്‍ കാട്ടുതീയെ തുടര്‍ന്ന് കല്‍ക്കരി വൈദ്യുത നിലയവും നഗരവും ഒഴിപ്പിച്ചു. തുര്‍ക്കിയുടെ ഏജിയന്‍, മെഡിറ്ററേനിയന്‍ തീരത്താണ് കാട്ടുതീ പടര്‍ന്ന് പിടിച്ചത്. ഇതുവരെ എട്ടുപേര്‍ മരിച്ചതായാണ് വിവരം. ഇവിടെ സ്ഥിതിചെയ്യുന്ന, 35 വര്‍ഷത്തോളം പഴക്കമുള്ള കെമെര്‍കോയ് പ്ലാന്റിലേക്ക് തീപടര്‍ന്നതോടെ പോലീസും അഗ്‌നിരക്ഷാസേനയുമെത്തി ഗ്രാമവാസികളെ പ്രദേശത്തുനിന്ന് കടല്‍മാര്‍ഗം മാറ്റി.

നിലയത്തിലെ സ്ഫോടകശേഷിയുള്ള മുഴുവന്‍ വസ്തുക്കളും അപകടത്തിന് കാരണമായേക്കാവുന്ന വസ്തുക്കളും പൂര്‍ണമായും നീക്കം ചെയ്തിട്ടുണ്ടെന്ന് മുന്‍സിപ്പാലിറ്റി അധികൃതര്‍ അറിയിച്ചു. എന്നാല്‍ നിലയത്തിന് അകത്തുള്ള ടണ്‍കണക്കിന് കല്‍ക്കരിയിലേക്ക് തീ പടര്‍ന്നാലുള്ള അപകടസാധ്യത നിലനില്‍ക്കുന്നതായും അധികൃതര്‍ കൂട്ടിച്ചേര്‍ത്തു. അതേസമയം, നിലയത്തിലെ ഹൈഡ്രജന്‍ ടാങ്കുകള്‍ കാലിയാക്കി പകരം അതില്‍ വെള്ളം നിറച്ചതായി അധികൃതര്‍ അറിയിച്ചു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker