KeralaNEWS

കാ​ണാ​താ​യ സ്‌​കൂ​ള്‍ ജീവനക്കാരന്റെ മൃ​ത​ദേ​ഹം ആ​റ്റി​ല്‍ ക​ണ്ടെ​ത്തി

വെഞ്ഞാറമൂട്: ദിവസങ്ങള്‍ക്ക് മുമ്പ് കാണാതായ സ്‌കൂള്‍ ജീവനക്കാരന്റെ മൃതദേഹം ആറ്റില്‍ കണ്ടെത്തി. ആറ്റിങ്ങലിലെ സര്‍ക്കാര്‍ സ്‌കൂളില്‍ ലാബ് അസിസ്റ്റന്റായ വാമനപുരം അമ്പലംമുക്ക് കലാഭവനില്‍ കലേഷിന്റെ (42) മൃതദേഹമാണ് കണ്ടെത്തിയത്.

കഴിഞ്ഞ ചൊവ്വാഴ്ച വൈകീട്ട് പാലത്തില്‍നിന്ന് ഒരാള്‍ ആറ്റിലേക്ക് ചാടുന്നതായി അതുവഴി വന്ന ഒരാള്‍ പൊലീസ് പട്രോളിങ് സംഘത്തെ അറിയിച്ചിരുന്നു. തുടര്‍ന്ന്‌ സ്ഥലത്തെത്തിയ വെഞ്ഞാറമൂട് അഗ്‌നിശമനസേന രാത്രി വരെ തിരച്ചില്‍ നടത്തി മടങ്ങി. ബുധനാഴ്ചയും സ്‌കൂബാ ടീമുല്‍പ്പെടുള്ളവര്‍ തിരിച്ചില്‍ നടത്തിയെങ്കിലും ആളെ കണ്ടെത്താനായില്ല. അവസാനശ്രമമെന്ന നിലയില്‍ അകൂടുതല്‍ സംവിധാനങ്ങളുമായി സ്‌കൂബാ ടീം ശനിയാഴ്ച രാവിലെ വാമനപുരം പാലത്തിന് സമീപം തിരച്ചില്‍ നടത്തി.ഇതിനിടെ നാട്ടുകാരിലൊരാള്‍ വാമനപുരം കണിച്ചോട് പെരുന്ത്രാകടവിന് സമീപം ഒരാളുടെ മൃതദേഹം വെള്ളത്തില്‍ പൊങ്ങിക്കിടക്കുന്നതായി അറിയിക്കുകയായിരുന്നു.

തുടര്‍ന്ന് അഗ്‌നിശമനസേന കടവിലെത്തി മൃതദേഹം കരക്കെടുത്തു. പിന്നീട് ബന്ധുക്കളെത്തി കലേഷിന്റെ മൃതദേഹമാണെന്ന് തിരിച്ചറിയുകയുമായിരുന്നു. വെഞ്ഞാറമൂട് പൊലീസ് ഇന്‍ക്വസ്റ്റ് നടത്തി മൃതദേഹം പോസ്റ്റ്‌മോര്‍ട്ടത്തിനയച്ചു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker