KeralaNEWS

കരുവന്നൂർ ബാങ്ക് തട്ടിപ്പ്; സുരേന്ദ്രന്റെ ആരോപണം നിഷേധിച്ച് എ.സി മൊയ്തീന്‍

തൃശൂർ: കരുവന്നൂർ സർവീസ് സഹകരണ ബാങ്ക് തട്ടിപ്പിൽ ബന്ധുവിന് പങ്കുണ്ടെന്ന ബി.ജെ.പി സംസ്ഥാന അധ്യക്ഷൻ കെ. സുരേന്ദ്രന്‍റെ ആരോപണം നിഷേധിച്ച് മുൻ മന്ത്രി എ.സി മൊയ്തീൻ.ന്ത്രിയെന്ന നിലയില്‍ കരുവന്നൂര്‍ പ്രദേശത്തെ പരിപാടികളില്‍ പങ്കെടുത്തിട്ടുണ്ടാവാം. കൊടകര കുഴല്‍പണക്കേസില്‍ വിവാദത്തിലായ ബി.ജെ.പി മുഖം രക്ഷിക്കാനാണ് തനിക്കെതിരെ ആരോപണം ഉന്നയിക്കുന്നതെന്നും അദ്ദേഹം പറഞ്ഞു.

തനിക്ക് മൂന്നു സഹോദരന്മാരും നാലു സഹോദരികളുമാണ് ഉള്ളത്. സഹോദരങ്ങളെയും അവരുടെ മക്കളെയും കുറിച്ചും മാധ്യമങ്ങൾക്ക് അന്വേഷിക്കാം. ഏതെങ്കിലും ബന്ധുക്കൾക്ക് തട്ടിപ്പിൽ പങ്കുണ്ടെങ്കിൽ കടുത്ത നടപടി സർക്കാർ സ്വീകരിക്കുമെന്നും മൊയ്തീൻ പറഞ്ഞു.

തട്ടിപ്പില്‍ പ്രതിയായ ബിജു കരീമിന്റെ ഭാര്യയുടെ ബിസിനസ് സ്ഥാപനം ഉദ്ഘാടനം ചെയ്തത് എ.സി മൊയ്തീനായിരുന്നു. മന്ത്രിക്ക് പ്രതികളുമായുള്ള ബന്ധം തെളിയിക്കുന്നതാണ് ഇതെന്നായിരുന്നു ആരോപണം. എന്നാല്‍ ബിജു കരീമിനെ അറിയില്ലെന്ന് എ.സി മൊയ്തീന്‍ പറഞ്ഞു.

കരുവന്നൂർ ബാങ്ക് തട്ടിപ്പ് സി.പി.എം നേതൃത്വത്തിന്‍റെ അറിവോടെയാണെന്ന് കെ. സുരേന്ദ്രൻ വാർത്താസമ്മേളനത്തിൽ ആരോപണം ഉന്നയിച്ചിരുന്നു. മുൻ മന്ത്രി എ.സി മൊയ്തീന്‍റെ ബന്ധുക്കൾക്കും തട്ടിപ്പിൽ പങ്കുണ്ട്. അന്വേഷണം സി.പി.എം നേതാക്കളിൽ എത്താതിരിക്കാനാണ് ക്രൈംബ്രാഞ്ച് അമ്പേഷിക്കുന്നതെന്നും കെ. സുരേന്ദ്രൻ ചൂണ്ടിക്കാട്ടി.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker