MovieNEWS

‘മാലിക്’ സിനിമയ്ക്കെതിരേ ബീമാപള്ളിയില്‍ പ്രതിഷേധം

മഹേഷ് നാരായണന്‍ സംവിധാനം ചെയ്ത മാലിക് എന്ന സിനിമയ്ക്കെതിരേ തിരുവനന്തപുരം ബീമാപള്ളിയില്‍ പ്രതിഷേധം. സിനിമയില്‍ ബീമാപള്ളിയെ കൊള്ളക്കാരുടെയും ഭീകരവാദികളുടെ നാടായി ചിത്രീകരിച്ചെന്നാരോപിച്ച് സാംസ്‌കാരിക സമിതിയുടെ നേതൃത്വത്തില്‍ പള്ളിപരിസരത്താണ് പ്രതിഷേധം സംഘടിപ്പിച്ചിരിക്കുന്നത്.

പി.ഡി.പി. സംസ്ഥാന വൈസ് ചെയര്‍മാന്‍ വര്‍ക്കല രാജ് പ്രതിഷേധം ഉദ്ഘാടനം ചെയ്തു.
ബീമാപള്ളി വെടിവെപ്പുമായി ബന്ധപ്പെട്ട് കുറ്റവാളികള്‍ക്കെതിരെ നടപടി സ്വീകരിക്കണമെന്നും സാംസ്‌കാരിക സമിതി ആവശ്യപ്പെട്ടു. ഇതിനെതിരെ തുടര്‍പ്രതിഷേധ പരിപാടികള്‍ നടത്താനും സാംസ്‌കാരിക സമിതി ആലോചിക്കുന്നുണ്ട്.

ആമസോണ്‍ പ്രൈം വീഡിയോയിലൂടെ റിലീസ് ചെയ്ത മാലിക്കില്‍ റമദാ പള്ളിയുടെ പരിസരത്താണ് ചിത്രത്തിന്റെ കഥ പറയുന്നത്. ബീമാപള്ളി സംഭവുമായി സിനിമയ്ക്കുള്ള സാമ്യം ചിത്രം ഇറങ്ങിയത് മുതല്‍ വലിയ ചര്‍ച്ചയായിരുന്നു. ചരിത്രസംഭവത്തെ തെറ്റായി വ്യാഖ്യാനിച്ചുവെന്നാരോപിച്ച് ഒട്ടേറെ പേര്‍ രംഗത്ത് വന്നെങ്കിലും തന്റെ കഥയും കഥാപാത്രങ്ങളും സാങ്കല്‍പ്പികമാണെന്നാണ് മഹേഷ് നാരായണന്‍ വ്യക്തമാക്കിയത്.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker