KeralaNEWS

നടിയെ ആക്രമിച്ച കേസ്; വിചാരണ പൂര്‍ത്തിയാക്കാന്‍ കൂടുതല്‍ സമയം ആവശ്യപ്പെട്ട് ജഡ്ജി

കൊച്ചി: നടിയെ ആക്രമിച്ച കേസില്‍ വിചാരണ പൂര്‍ത്തിയാക്കാന്‍ കൂടുതല്‍ സമയം ആവശ്യപ്പെട്ട് പ്രത്യേക കോടതി ജഡ്ജി. കേസില്‍ ആഗസ്റ്റിനകം വിചാരണ പൂര്‍ത്തിയാക്കണമെന്ന് സുപ്രീംകോടതി നിര്‍ദേശിച്ചിരുന്നു. എന്നാല്‍ ഇത് സാധ്യമാവില്ലെന്ന് സുപ്രീംകോടതിക്ക് സ്‌പെഷ്യല്‍ ജഡ്ജി കത്ത് നല്‍കുകയായിരുന്നു.

കോവിഡിനെ തുടര്‍ന്ന് കോടതി അടച്ചിടുകയും ജീവനക്കാര്‍ക്ക് രോഗബാധ സ്ഥിരീകരിക്കുകയും ചെയ്തു. ഇത് കോടതി നടപടികള്‍ വൈകുന്നതിന് കാരണമായെന്നും ഇതിന് പുറമേ കേസില്‍ നിന്ന് പ്രോസിക്യൂട്ടര്‍ പിന്‍മാറിയിരുന്നു. കേസുമായി ബന്ധപ്പെട്ട ഹൈകോടതിക്ക് മുമ്പാകെ ഹര്‍ജിയും എത്തിയിരുന്നു. ഇതെല്ലാം വിചാരണ നടപടികള്‍ വൈകാനിടയാക്കിയെന്നും സ്‌പെഷ്യല്‍ ജഡ്ജി സുപ്രീംകോടതിക്ക് അയച്ച കത്തില്‍ പറയുന്നു.

കേസില്‍ ഇതുവരെ 179 സാക്ഷികളെയാണ് വിസ്തരിച്ചത്. സിനിമ സെലിബ്രേറ്റികള്‍ ഉള്‍പ്പടെ 43 സാക്ഷികളെക്കൂടി വിസ്തരിക്കേണ്ടതുണ്ടെന്നും സ്‌പെഷ്യല്‍ ജഡ്ജി സുപ്രീംകോടതിയെ അറിയിച്ചുവെന്നും പ്രോസിക്യൂഷന്‍ ഹാജരാക്കിയ 199 രേഖകളും 124 വസ്തുതകളും പരിശോധിച്ചുവെന്നും ജഡ്ജി പറഞ്ഞു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker