Big BreakingKerala

വകുപ്പിലെ കാര്യങ്ങളെ കുറിച്ച് കൃത്യമായി ധാരണയുണ്ട്,ഇടപെടേണ്ട കാര്യമുള്ളപ്പോള്‍ ഇടപെടും;പ്രതിപക്ഷ നേതാവിന് മറുപടിയുമായി റവന്യൂ മന്ത്രി

തിരുവനന്തപുരം: റവന്യൂ വകുപ്പ് ഉദ്യോഗസ്ഥയ്‌ക്കെതിരായ നടപടിയിൽ പ്രതിപക്ഷ നേതാവിന്‍റെ വിമ‌‌ർശനങ്ങൾക്ക് മറുപടിയുമായി മന്ത്രി കെ രാജൻ. ഇടപെടേണ്ട കാര്യമുള്ളപ്പോള്‍ ഇടപെടും. പ്രതിപക്ഷ നേതാവിന് വല്ല ആക്ഷേപമുണ്ടെങ്കില്‍ നേരിട്ട് സംശയം ദൂരീകരിക്കും. ഉദ്യോഗസ്ഥര്‍ തമ്മില്‍ നടക്കുന്ന പ്രക്രിയകളില്‍ ഇടപെടാറില്ല. അധികാരത്തെ കുറിച്ച് ധാരണയുണ്ടെന്നും അദ്ദേഹം പറഞ്ഞു.

പ്രിന്‍സിപ്പല്‍ സെക്രട്ടറിയെ സംബന്ധിച്ച ആരോപണങ്ങളില്‍ മന്ത്രി മറുപടി പറയേണ്ട കാര്യമുണ്ടെന്ന് തോന്നുന്നില്ല. ഇപ്പോള്‍ കാര്യങ്ങളെല്ലാം സര്‍ക്കാരിന്‍റെ അധികാരപരിധിയില്‍ തന്നെയാണ്. സര്‍ക്കാരിന്‍റെ അധികാരം ആരെങ്കിലും ലംഘിക്കുകയോ, സര്‍ക്കാര്‍ എടുക്കേണ്ട തീരുമാനം മറ്റാരെങ്കിലും കൈക്കൊള്ളുകയോ ചെയ്‌തതായി ഇതുവരെ ശ്രദ്ധയില്‍പ്പെട്ടിട്ടില്ല. അണ്ടര്‍ സെക്രട്ടറിയുമായി ബന്ധപ്പെട്ട് ഒരു കാര്യവും ശ്രദ്ധയില്‍പ്പെട്ടിട്ടില്ലെന്നും മന്ത്രി കെ രാജന്‍ പറഞ്ഞു.

മുട്ടില്‍ മരംമുറി രേഖകള്‍ വിവരാവകാശ നിയമം വഴി പുറത്തുനല്‍കിയ ഉദ്യോഗസ്ഥയുടെ ഗുഡ് സര്‍വീസ് എന്‍ട്രി റദ്ദു ചെയ്‌ത നടപടിയെ രൂക്ഷമായി വിമര്‍ശിച്ചാണ് പ്രതിപക്ഷ നേതാവ് രംഗത്തെത്തിയത്. സംസ്ഥാനത്തിന് ഒരു റവന്യൂമന്ത്രിയുണ്ടോയെന്ന് വരെ അദ്ദേഹം ഫേസ്ബുക്കിലൂടെ ചോദിച്ചു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker