NEWSWorld

ലുലു ഗ്രൂപ്പിൻ്റെ പേരിൽ വ്യാജ സന്ദേശങ്ങള്‍, വഞ്ചിതരാകരുതെന്ന് മാനേജ്മെൻ്റ്

ലുലു ഹൈപ്പര്‍മാര്‍ക്കറ്റിന്റെ ഇരുപതാമത് വാര്‍ഷിക ആഘോഷങ്ങളുടെ ഭാഗമായുളള ഓഫർ എന്നാണ് പ്രചരണം

സമൂഹമാധ്യമങ്ങളില്‍ കഴിഞ്ഞ കുറേ ദിവസങ്ങളായി ലുലു ഗ്രൂപ്പിന്റെ പേരില്‍ ഓഫറുകള്‍ പ്രചരിക്കുന്നത് വ്യാജമാണെന്നും ഇത്തരം സന്ദേശങ്ങളില്‍ വഞ്ചിതരാകരുതെന്നും ലുലു ഗ്രൂപ്പ് മാര്‍ക്കറ്റിംഗ് ആന്റ് കമ്മ്യൂണിക്കേഷന്‍സ് ഡയറക്ടര്‍ വി. നന്ദകുമാര്‍ ഫേസ്ബുക്കിലൂടെ വ്യക്തമാക്കി.

വ്യാജ സന്ദേശങ്ങളില്‍ വഞ്ചിതരാകാതിരിക്കുക…?
ലുലു ഗ്രൂപ്പിന്റെ പേരില്‍ പ്രചരിക്കുന്ന വ്യാജ ഓഫറുകളില്‍ വഞ്ചിതരാകരുതെന്ന് ലുലു ഗ്രൂപ്പ് ഇന്റര്‍നാഷണല്‍ മുന്നറിയിപ്പ് നല്‍കുന്നു. വാട്‌സ് അപ്പ് ഉള്‍പ്പടെയുളള സാമൂഹ്യ മാധ്യമങ്ങളില്‍ ലുലുവിന്റേതെന്ന പേരില്‍ വ്യാജ ഓഫറുകള്‍ പ്രചരിക്കുന്നത് ശ്രദ്ധയില്‍ പെട്ടതിനെ തുടര്‍ന്നാണ് ലുലു ഗ്രൂപ്പ് മാര്‍ക്കറ്റിംഗ് ആന്റ് കമ്മ്യൂണിക്കേഷന്‍സ് ഡയറക്ടര്‍ വി. നന്ദകുമാര്‍ വാര്‍ത്താകുറിപ്പില്‍ ഇക്കാര്യം വ്യക്തമാക്കിയത്.

വ്യാജ വെബ് സൈറ്റ് ലിങ്കാണ് പ്രചരിക്കുന്നത്. ലുലു ഹൈപ്പര്‍മാര്‍ക്കറ്റിന്റെ ഇരുപതാമത് വാര്‍ഷിക ആഘോഷങ്ങളുടെ ഭാഗമായുളള ഓഫർ എന്നാണ് പ്രചരണം. വെബ്സൈറ്റില്‍ കയറിയാല്‍ ചോദ്യങ്ങളുണ്ട്. അതിന് ശേഷം ഹുവായ് മാറ്റ് 40 പ്രോ സ്വന്തമാക്കാന്‍ ലിങ്ക് അഞ്ച് ഗ്രൂപ്പുകളിലേക്കും ഇരുപത് സുഹൃത്തുക്കള്‍ക്കും വാട്സ്അപ്പ് ചെയ്യാന്‍ ആവശ്യപ്പെടുന്ന തരത്തിലാണ് പരസ്യം.
ഇത്തരത്തിലുളള സന്ദേശങ്ങളില്‍ വഞ്ചിതരാകരുതെന്നും ബാങ്ക് അക്കൗണ്ട്, കാര്‍ഡ് നമ്പര്‍ തുടങ്ങിയ സ്വകാര്യ വിവരങ്ങള്‍ അപരിചിതരുമായി പങ്കുവയ്ക്കരുതെന്നും വി. നന്ദകുമാര്‍ അറിയിച്ചു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker