IndiaNEWS

കഴിഞ്ഞ 24 മണിക്കൂറിനിടെ പുതുതായി കോവിഡ് രോഗം സ്ഥിരീകരിച്ചത് 38,792 പേർക്ക്

കഴിഞ്ഞ 24 മണിക്കൂറിനിടെ പുതുതായി കോവിഡ് രോഗം സ്ഥിരീകരിച്ചത് 38,792 പേർക്ക്

ഇന്ത്യയുടെ കോവിഡ്-19 വാക്‌സിനേഷനുകളുടെ എണ്ണം 38.76 കോടി പിന്നിട്ടു.
രോഗമുക്തി നിരക്ക് 97.28 ശതമാനമായി വർധിച്ചു.
രാജ്യത്ത് ചികിത്സയിലുള്ളവരുടെ എണ്ണം 4,29,946; ചികിത്സയിലുള്ളത് ആകെ രോഗബാധിതരുടെ 1.39%.
പ്രതിദിന രോഗസ്ഥിരീകരണ നിരക്ക് (2.1%) തുടർച്ചയായി 23-ാം ദിവസവും 3 ശതമാനത്തിൽ താഴെ

 

രാജ്യത്തിതുവരെ നൽകിയ ആകെ വാക്‌സിനുകളുടെ എണ്ണം 38.76 കോടി പിന്നിട്ടു. ഇന്ന് രാവിലെ 7 വരെയുള്ള താൽക്കാലിക റിപ്പോർട്ട് അനുസരിച്ച് 49,10,876 സെഷനുകളിലൂടെ ആകെ 38,76,97,935 വാക്‌സിൻ ഡോസ് നൽകി. കഴിഞ്ഞ 24 മണിക്കൂറിനുള്ളിൽ 37,14,441 ഡോസ് വാക്‌സിൻ നൽകി.

ഇതിൽ ഇനിപ്പറയുന്നവ ഉൾപ്പെടുന്നു:

ആരോഗ്യപ്രവർത്തകർ
ഒന്നാം ഡോസ് 1,02,56,229
രണ്ടാം ഡോസ് 74,47,783

മുന്നണിപ്പോരാളികൾ
ഒന്നാം ഡോസ് 1,77,30,845
രണ്ടാം ഡോസ് 1,00,52,409

18-44 പ്രായപരിധിയിലുള്ളവർ
ഒന്നാം ഡോസ് 11,64,12,064
രണ്ടാം ഡോസ് 40,30,999

45-59 പ്രായപരിധിയിലുള്ളവർ
ഒന്നാം ഡോസ് 9,56,42,767
രണ്ടാം ഡോസ് 2,54,39,376

60നുമേൽ പ്രായമുള്ളവർ
ഒന്നാം ഡോസ് 7,13,45,634
രണ്ടാം ഡോസ് 2,93,39,829

ആകെ 38,76,97,935

ഏവർക്കും കോവിഡ്-19 പ്രതിരോധ കുത്തിവയ്പു നൽകുന്ന പ്രക്രിയയുടെ പുതിയ ഘട്ടത്തിന് രാജ്യത്ത് 2021 ജൂൺ 21നാണ് തുടക്കമായത്. രാജ്യത്തൊട്ടാകെ കോവിഡ്-19 പ്രതിരോധ കുത്തിവയ്പ് അതിവേഗത്തിൽ നൽകുന്നതിന് കേന്ദ്രഗവൺമെന്റ് പ്രതിജ്ഞാബദ്ധമാണ്.

രാജ്യത്താകെ ഇതുവരെ 3,01,04,720 പേരാണ് കോവിഡ് മുക്തരായത്. കഴിഞ്ഞ 24 മണിക്കൂറിനുള്ളിൽ 41,000 പേർ സുഖം പ്രാപിച്ചു. ദേശീയ രോഗമുക്തി നിരക്ക് പതിവായി വർധിച്ച് 97.28% ആയി.

കഴിഞ്ഞ 24 മണിക്കൂറിനുള്ളിൽ ഇന്ത്യയിൽ പുതുതായി രോഗം സ്ഥിരീകരിച്ചത് 38,792 പേർക്കാണ്.

തുടർച്ചയായ പതിനേഴാം ദിവസവും 50,000ത്തിൽ താഴെയാണ് പുതിയ പ്രതിദിന രോഗബാധിതരുടെ എണ്ണം. കേന്ദ്രത്തിന്റെയും സംസ്ഥാനങ്ങളുടെയും/കേന്ദ്രഭരണപ്രദേശങ്ങളുടെയും നിരന്തരവും കൂട്ടായതുമായ പ്രയത്‌നങ്ങളുടെ ഫലമാണിത്.

ചികിത്സയിലുള്ളവരുടെ എണ്ണവും പതിവായി കുറയുകയാണ്. നിലവിൽ രാജ്യത്തു ചികിത്സയിലുള്ളത് 4,29,946 പേരാണ്. ഇത് രാജ്യത്തെ ആകെ രോഗബാധിതരുടെ 1.39% മാത്രമാണ്.

രാജ്യത്തെ പരിശോധനാ ശേഷി ഗണ്യമായി വർദ്ധിപ്പിച്ചതോടെ കഴിഞ്ഞ 24 മണിക്കൂറിനുള്ളിൽ 19,15,501 പരിശോധനകൾ നടത്തി. ആകെ 43.59 കോടി (43,59,73,639) പരിശോധനകളാണ് ഇന്ത്യ ഇതുവരെ നടത്തിയത്.

പരിശോധനകൾ വർധിപ്പിച്ചപ്പോഴും പ്രതിവാര രോഗസ്ഥിരീകരണ നിരക്ക് തുടർച്ചയായി കുറയുകയാണ്. പ്രതിവാര രോഗസ്ഥിരീകരണ നിരക്ക് നിലവിൽ 2.25 ശതമാനവും പ്രതിദിന രോഗസ്ഥിരീകരണ നിരക്ക് ഇന്ന് 2.1 ശതമാനവുമാണ്. പ്രതിദിന രോഗസ്ഥിരീകരണ നിരക്ക് തുടർച്ചയായ 23-ാം ദിവസവും 3 ശതമാനത്തിൽ താഴെയാണ്. ഇതു തുടർച്ചയായ 37-ാം ദിവസവും 5 ശതമാനത്തിൽ താഴെ തുടരുന്നു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker