Social Media

ആനയെ മറയാക്കി നടുറോഡില്‍ വെച്ച് നഗ്‌നതാ പ്രദര്‍ശനം; പൊലീസിനെ വട്ടം കറക്കി പാപ്പാന്മാര്‍

മദ്യലഹരിയില്‍ നടുറോഡില്‍ വെച്ച് നഗ്‌നതാ പ്രദര്‍ശനം നടത്തിയ ആനപ്പാപ്പാന്‍ പോലീസിനെയും കുഴക്കി. പത്തനംതിട്ട ജില്ലയിലെ അടൂരിനടുത്തുള്ള ഏനാത്താണ് സംഭവം നടന്നത്. ആനയുടെ പാപ്പാന്മാര്‍ തമ്മില്‍ ഉണ്ടായ തര്‍ക്കമാണ് രണ്ടാം പാപ്പാന്റെ ഈ പ്രകടനത്തിന് കാരണമായത്. രണ്ട് പാപ്പാന്മാരും മദ്യലഹരിയിലായിരുന്നു.തിങ്കളാഴ്ച വൈകിട്ടായിരുന്നു നാട്ടുകാരെ പരിഭ്രാന്തിയിലാക്കിയ ഈ സംഭവം.

മദ്യലഹരിയിലായിരുന്ന പാപ്പാന്മാര്‍ തമ്മിലുണ്ടായ കയ്യാങ്കളി കണ്ടാണ് ആളുകള്‍ സംഭവസ്ഥലത്ത് തടിച്ച് കൂടിയത്. രണ്ട് പിടിയാനകളെ പാപ്പാന്മാര്‍ മര്‍ദ്ദിച്ചതാണ് പ്രശ്നങ്ങളുടെ തുടക്കം. ഇരുകൂട്ടരും തമ്മിലുണ്ടായ തര്‍ക്കത്തിന് ഒടുവില്‍ ഒരാള്‍ ആനയെ തളച്ചു. ഇതോടെ പ്രകോപിതനായ രണ്ടാം പാപ്പാന്‍ ആനയെ അഴിച്ച് റോഡിലേക്ക് ഇറങ്ങുകയായിരുന്നു. പുതുശ്ശേരി – തട്ടാരം പടി റോഡിലേക്ക് ഇറങ്ങിയ ആനയും പാപ്പാനും ആളുകളെ ഭീതിയിലാക്കി.

പുതുശ്ശേരി – തട്ടാരം പടി റോഡിലേക്കിറങ്ങിയ ആനപ്പാപ്പാന്‍ ആനയുടെ മുകളില്‍ കയറി ആനയെ ഉപദ്രവിക്കാനും തുടങ്ങി. ആളുകളും വണ്ടികളും നിറഞ്ഞ തിരക്കേറിയ റോഡിലായിരുന്നു പാപ്പാന്റെ ഉഈ പ്രകടനം. ഇതോടെ ആളുകള്‍ പരിഭ്രാന്തരായി. സ്ത്രീകള്‍ അടക്കമുള്ള നാട്ടുകാര്‍ക്ക് നേരെ ഇയാള്‍ തുണിയുരിഞ്ഞ് നഗ്‌നതാ പ്രദര്‍ശനവും നടത്തി. ഇതോടെ സംഭവം അറിഞ്ഞ് പോലീസും രംഗത്തെത്തി.

ഏനാത്ത് പോലീസ് സ്ഥലത്തെത്തി പാപ്പാനോട് കീഴടങ്ങാന്‍ ആവശ്യപ്പെട്ടെങ്കിലും മദ്യലഹരിയിലായിരുന്ന പാപ്പാന്‍ ഇത് ചെവിക്കൊണ്ടില്ല. ഗവര്‍ണറുടെ വാഹനവ്യൂഹം കടന്നുപോകുന്ന റോഡിനടുത്തായിരുന്നു പാപ്പാന്റെ പ്രകടനങ്ങള്‍. പോലീസ് പാപ്പാനെ പിടിക്കാന്‍ അടുത്ത് ചെന്നാല്‍ ഇയാള്‍ ആനയെ മറയാക്കി അപ്പുറത്ത് പോയി നില്‍ക്കും. ആനയെ തളക്കാന്‍ പരിശീലനം കിട്ടിയിട്ടില്ലാത്ത പോലീസ് ഇതോടെ വെട്ടിലായി. അവസാനം പോലീസുകാര്‍ നിസഹായരായി തിരിച്ചുപോയി എന്നാണ് നാട്ടുകാര്‍ പറയുന്നത്.

 

 

 

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker