KeralaNEWS

ഡോ. പി കെ ജയശ്രീ കോട്ടയം കളക്ടറായി ചുമതലയേറ്റു

ഡോ. ജയശ്രീ പഞ്ചായത്ത് വകുപ്പ് ഡയറക്ടറായി സേവനമനുഷ്ഠിച്ചു കൊണ്ടിരിക്കെയാണ് കോട്ടയത്തേക്കു കളക്ടറായി ഉള്ള നിയോഗം

പൊതുഭരണ വകുപ്പ് ജോയിൻ്റ് സെക്രട്ടറി, സാമൂഹ്യ നീതി വകുപ്പ് ഡയറക്ടർ പദവികളിലേയ്ക്ക് സ്ഥലംമാറ്റം ലഭിച്ച കളക്ടർ എം. അഞ്ജന ചുമതല ഒഴിഞ്ഞതോടെ കോട്ടയം ജില്ലയുടെ പുതിയ കളക്ടറായി ഡോ. പി.കെ ജയശീ ചുമതലയേറ്റു.
ഇന്ന് രാവിലെ 9.15ന് ജില്ലയുടെ ഭരണസിരാ കേന്ദ്രമായ കളക്‌ട്രേറ്റിലെത്തിയ ഡോ. പി.കെ ജയശീ മുഖ്യമന്ത്രിയുടെ ഓൺലൈൻ അവലോകന യോഗത്തിൽ പങ്കെടുത്തു.

ഡോ. ജയശ്രീ പഞ്ചായത്ത് വകുപ്പ് ഡയറക്ടറായി സേവനമനുഷ്ഠിച്ചു കൊണ്ടിരിക്കെയാണ് കോട്ടയത്തേക്കു കളക്ടറായി ഉള്ള നിയോഗം.

1987 ല്‍ കൃഷി വകുപ്പില്‍ ഓഫീസറായാണ് ഔദ്യോഗിക ജീവിതം ആരംഭിച്ചത്. 2000 ല്‍ കേരള അഗ്രിക്കള്‍ച്ചറല്‍ യൂണിവേര്‍സിറ്റിയില്‍ അസി.പ്രൊഫസറായി ഉദ്യോഗക്കയറ്റം ലഭിച്ചു. 2007 ലാണ് വകുപ്പ് മാറി റവന്യു വകുപ്പില്‍ ഡപ്യൂട്ടി കളക്ടറായി കാസര്‍കോട് ചുമതലയേറ്റു. എന്‍ഡോസള്‍ഫാന്‍ ദുരിതമേഖലകളില്‍ നടത്തിയ സ്തുത്യര്‍ഹമായ സേവനത്തിലൂടെ ഏറെ ശ്രദ്ധിക്കപ്പെട്ടു. 2012ല്‍ തൃശ്ശൂരില്‍ ഡപ്യൂട്ടി കളക്ടറായി ചാര്‍ജെടുത്തു. ഇക്കാലത്ത് ഏറെക്കാലം തൃശൂര്‍ ജില്ലാ കളക്ടറുടെ ചുമതലയും വഹിച്ചു. ഗുരുവായൂര്‍ ദേവസ്വം അഡ്മിനിസ്‌ട്രേറ്ററായും, കൂടല്‍മാണിക്യം ദേവസ്വം അഡ്മിനിസ്‌ട്രേറ്ററായും സേവനമനുഷ്ഠിച്ചിരുന്നു.

അഗ്രിക്കള്‍ച്ചറല്‍ യൂണിവേഴ്‌സിറ്റിയില്‍ നിന്നാണ് അഗ്രോണമിയില്‍ ഡോക്ടറേറ്റ് നേടിയത്. 2013ല്‍ തൃശ്ശൂരിലെയും, 2015ല്‍ കാസര്‍കോട്ടെയും സേവനത്തിന് മികച്ച ഡെപ്യൂട്ടി കളക്ടർ എന്ന അംഗീകാരം നേടി.

കാസർഗോഡ് പെരിയ സ്വദേശിയും എസ്.ബി.ഐ കോഴിക്കോട് ശാഖാ മാനേജരുമായിരുന്ന സി.വി രവീന്ദ്രനാണ് ഭര്‍ത്താവ്.
മക്കള്‍: ഡോ. ആരതി, അപര്‍ണ്ണ.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker