KeralaNEWS

കേരളത്തില്‍ തൊഴിലില്ലായ്മ രൂക്ഷമെന്ന് മന്ത്രി വി.ശിവന്‍കുട്ടി

തിരുവനന്തപുരം: കോവിഡ് പ്രതിസന്ധി ആരംഭിച്ചതിന് ശേഷം കേരളത്തില്‍ തൊഴിലില്ലായ്മ രൂക്ഷമെന്ന് മന്ത്രി വി.ശിവന്‍കുട്ടി. നേരത്തേതിനെക്കാള്‍ പതിനൊന്ന് ശതമാനമാണ് വര്‍ദ്ധനവാണ് സംസ്ഥാനത്തെ തൊഴിലില്ലായ്മ നിരക്കില്‍ രേഖപ്പെടുത്തിയിരിക്കുന്നത്. പ്രധാനപെട്ട ടൂറിസം കേന്ദ്രങ്ങളില്‍ ജൂലൈ 15ന് മുമ്പ് സമ്പൂര്‍ണ വാക്‌സിനേഷന്‍ ഉറപ്പാക്കുമെന്ന് ടൂറിസം മന്ത്രി മുഹമ്മദ് റിയാസും സഭയില്‍ ചോദ്യോത്തര വേളയില്‍ വ്യക്തമാക്കി.

സംസ്ഥാനത്ത് തൊഴിലില്ലായ്മ നിരക്ക് കോവിഡിന് മുമ്പ് 16.3% ആയിരുന്നു എന്നാല്‍ കോവിഡ് പ്രതിസന്ധി ആരംഭിച്ചതിന് ശേഷം 27.3% മായി ഉയര്‍ന്നു. രാജ്യത്തെ തൊഴിലില്ലായ്മ നിരക്കിനേക്കാളും മുമ്പിലാണ് കേരളത്തിലെ തൊഴില്‍ രഹിതരുടെ എണ്ണം. 9.1%ആയിരുന്ന ദേശീയ ശരാശരി ഇപ്പോള്‍ 20.8% ആണ്. സംസ്ഥാനത്ത് എംപ്ലോയ്‌മെന്റ് എക്‌സേഞ്ച് വഴി രജിസ്റ്റര്‍ ചെയ്തവരുടെ എണ്ണം 34 ലക്ഷത്തില്‍ നില്‍ നിന്ന് 37.71 ശതമാനമായി ഉയര്‍ന്നു.സംസ്ഥാനത്ത് ആസൂത്രണ ബോര്‍ഡിന്റെ കണക്ക് പ്രകാരം കേരളത്തില്‍ 18 ലക്ഷത്തോളം നിരക്ഷരരുണ്ടെന്നും വിദ്യാഭ്യാസ തൊഴില്‍ വകുപ്പ് മന്ത്രി വി ശിവന്‍കുട്ടി സഭയെ അറിയിച്ചു. കോവിഡ് സാഹചര്യത്തില്‍ ടൂറിസം മേഖലയില്‍ 33675 കോടി രൂപ നഷ്ടമുണ്ടായതായി ടൂറിസം മന്ത്രി സഭയില്‍ പറഞ്ഞു.പ്രധാന ടൂറിസം കേന്ദ്രങ്ങളില്‍ സമ്പൂര്‍ണ വാക്‌സിനേഷന്‍ ഉടന്‍ നടപ്പാക്കും.കോവിഡ് പ്രതിസന്ധിയും ടൗട്ടേ ചുഴലിക്കാറ്റും വിഴിഞ്ഞ പദ്ധതിയുടെ നിര്‍മ്മാണ പ്രവര്‍ത്തനങ്ങളെ ബാധിച്ചെന്നും. പാറയുടെ ലഭ്യത കുറവ് പദ്ധതി പൂര്‍ത്തീകരണത്തിന് തടസമാകുന്നതായും മന്ത്രി അഹമ്മദ് ദേവര്‍ കോവിലും സഭയെ അറിയിച്ചു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker